საქართველოში აივ ინფიცირების 197 ახალი შემთხვევა დაფიქსირდა

შიდსის ცენტრში ამ დროისთვის 8299 აივ ინფიცირებული ადამიანია რეგისტრირებული. მათგან 6196 მამაკაცია, ხოლო 2103 – ქალი. აივ-ინფიცირებულთა უმრავლესობა 29-დან 39 წლამდე ასაკისაა. შიდსი 4340 პაციენტს განუვითარდა, 1690 გარდაიცვალა.

აივ მკურნალობას იტარებს 5200 ადამიანი, აქედან  586 აფხაზეთიდანაა. მათ შორის 38 ბავშვია, აქედან 8 აფხაზეთიდან.

● აივ-ინფიცირებულთა 37.3% (3093) – ნარკოტიკების ინექციური მომხმარებელია; 

● 48.4 % (4019) – დაინფიცირდა ჰეტეროსექსუალური კონტაქტის შედეგად; 

● 11.9 % (991) – არიან მამაკაცები, რომელთაც სექსი აქვთ მამაკაცთან; 

● 1.3 % (109) – დაინფიცირდა ვერტიკალური გადაცემის გზით; 

● 0.5 % (41) – სისხლის რეციპიენტია; 

● 0.6 % (46) – გადაცემის გზა დაუდგენელია;

აივ ინფიცირების ყველაზე მეტი შემთხვევა რეგისტრირებულია: 

● თბილისში (3074 შემთხვევა, მათგან 87 უცხოეთის მოქალაქეა, 2 დაუდგენელი); 

● სამეგრელოში  – 1147

● იმერეთში  – 998

● აჭარაში – 949

● აფხაზეთში – 525 

● კახეთში – 408

● ქვემო ქართლში – 473

● შიდა ქართლში 304

● გურიაში 175 

● სამცხე-ჯავახეთში 112

2020 წელს გარდაიცვალა 55 აივ ინფიცირებული. გარდაცვლილთაგან 45 მამაკაცია და 10 ქალი.

სულ საქართველოში გამოვლენილია 116 აივ ინფიცირებული ბავშვი. მათ შორის 70 ბიჭია, ხოლო 46 – გოგონა. მათგან 27 გარდაიცვალა. 3 კი ქვეყნიდან გავიდა.

საქართველოს მოქალაქეებისთვის აივ ტესტირება უფასოა.