„საქართველოს დამოუკიდებლობა გადასწყდა“. ვიდეო ბლოგების სერიიდან "პროტესტი საქართველოში"
შაბათის მარში დამოუკიდებლობის დღეს მიეძღვნა
შაბათის ტრადიციული მარში პროტესტის 542-ე დღეს საქართველოს დამოუკიდებლობის დღეს, 26 მაისს მიეძღვნა.
პროტესტი საქართველოში. ყველა ვიდეო მოქალაქეები ფილარმონიის შენობასთან შეიკრიბნენ და ტრადიციული მსვლელობა პარლამენტის მიმართულებით გამართეს ლოზუნგით „საქართველოს დამოუკიდებლობა გადასწყდა“. ეს ციტატა 1918 წლის 26 მაისს გაზეთ “საქართველოს'”პირველ გვერდზე დაიბეჭდა.
მსვლელობის დაწყებამდე ერთობლივი განცხადებაც გაკეთდა: „მოვუწოდებთ ყველას, შევუერთდეთ დიდ სახალხო კრებას. განსაკუთრებით მნიშვნელოვანია, რომ 26 მაისს ბევრნი შევიკრიბოთ. ვაჩვენოთ, რომ საქართველოს საზოგადოების ნება ურყევია. ჩვენ არ დავთმობთ უკეთესი მომავლისთვის ბრძოლას. ვიდგებით ერთად. ბოლომდე!”
26 მაისს, 19:00 საათზე თბილისის სახელმწიფო უნივერსიტეტის პირველი კორპუსიდან პარლამენტის შენობამდე აქცია-მსვლელობა იგეგმება
ერთ წელზე მეტია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები, რადგან, 2024 წლის შემოდგომის არჩევნებს ამ დრომდე არ აქვს აღიარება და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
