საქართველოდან ღვინის ექსპორტი 19 პროცენტით გაიზარდა

2021 წლის იანვარ-აგვისტოში საქართველოდან მსოფლიოს 59 ქვეყანაში 65 მლნ ბოთლი ღვინოა ექსპორტირებული, რამაც ჯამში 145 მლნ აშშ დოლარი შეადგინა.

ეს გასული წლის ანალოგიურ  მაჩვენებელზე 13 პროცენტით მეტია, 19 პროცენტითაა გაზრდილი ექსპორტირებული ღვინის რაოდენობაც. 

ქართული ღვინის საექსპორტო ქვეყნების პირველი ხუთეულია:

• რუსეთი
• უკრაინა
• პოლონეთი
• ჩინეთი
• ყაზახეთი

ღვინის გარდა საქართველოდან ექსპორტირებულია 22 მლნ ბოთლი (0.5 ლ) ბრენდი, რაც 21 პროცენტით აღემატება 2020 წლის ანალოგიურ მაჩვენებელს. 

ექსპორტირებულია 570 ათასი ბოთლი (0.5 ლ) ჭაჭა, ექსპორტის ზრდამ კი 115 პროცენტი შეადგინა.

ღვინის ეროვნული სააგენტოს ინფორმაციით, საერთო ჯამში, ღვინის, ბრენდის, ჭაჭის, საბრენდე სპირტისა და ჩამოსასხმელი ბრენდის ექსპორტის შედეგად მიღებულია 234 მლნ აშშ დოლარი შემოსავალი, რაც 18%-ით მეტია გასული წლის ანალოგიური პერიოდის მაჩვენებელზე.

___________________________________________________________

● საქართველოში ხელფასი 53 ლარით გაიზარდა
● საქართველოს ყოველი მეშვიდე მოქალაქე სოციალური შემწეობის დახმარებას იღებს
● “საქსტატის” მონაცემებით 2020 წელს პროდუქტები მნიშვნელოვნად გაძვირდა
● აპრილის თვეში ჯანდაცვა 13.8 პროცენტით გაძვირდა
● საქსტატმა ახალი საარსებო მინიმუმი თვეში 178 ლარით და 10 თეთრით განსაზღვრა

_____________________________________________________________

საქართველოს სტატისტიკის ეროვნულმა სამსახურმა დათვალა, რამდენით შემცირდა პანდემიის დროს საქართველოს ეკონომიკა 2020 წელს. საქსტატის მონაცემებით, 2020 წელს საქართველოს ეკონომიკა 6.1 პროცენტით შემცირდა, რაც ბოლო 26 წლის განმავლობაში ვარდნის რეკორდული მაჩვენებელია.

2020 წელს ვარდნა უფრო მეტია, ვიდრე 2008 წელს იყო – მსოფლიო ეკონომიკური კრიზისისა და აგვისტოს ომის ფონზე. ვარდნის მთავარი მიზეზი პანდემია და თვეების განმავლობაში გაგრძელებული ლოქდაუნია. 

საქსტატის მონაცემებით, ყველაზე რთული თვე საქართველოს ეკონომიკისთვის დეკემბერი აღმოჩნდა, როდესაც განსაკუთრებით მძიმე ეპიდემიოლოგიური მდგომარეობის გამო ქვეყანა სრულად იყო ჩაკეტილი.

1994 წლის შემდგომ საქართველოს ეკონომიკა ყოველწლიურად იზრდებოდა, გამონაკლისი მხოლოდ 2009 წელი იყო, როდესაც რუსეთ-საქართველოს ომის გამო ეკონომიკა 3.65 პროცენტით შემცირდა. შედარებისთვის, 2014-2019 წლებში საქართველო საშუალოდ 4,17 პროცენტით იზრდებოდა.