რუსეთმა განაცხადა ახალი ნაბიჯების შესახებ ე.წ. საზღვრების დელიმიტაციის მიზნით
რუსეთსა და აფხაზეთს შორის საზღვრის დელიმიტაცია
როგორც ჩანს, რუსეთმა დაიწყო ახალი ეტაპი აფხაზეთთან, ე.წ. სამხრეთ ოსეთთან და საქართველოსთან საზღვრების დემარკაციისა და დელიმიტაციის მიმართულებით. ნიკოლაი უდოვიჩენკო დაინიშნა ამ საკითხის ახალ სპეციალურ თავმჯდომარედ რუსეთში, რომლის მოვალეობებში შედის რუსეთის საზღვრების დელიმიტაცია და დემარკაცია დსთ-ს ქვეყნებთან.
მიუხედავად იმისა, რომ კრემლის მიერ აფხაზეთის დამოუკიდებლობის აღიარებიდან 17 წელი გავიდა, მათ შორის საზღვარი ჯერ კიდევ არ არის დემარკირებული. 10 წელზე მეტია, რაც ფუნქციონირებს ერთობლივი რუსეთ-აფხაზური კომისია ექსპერტების, მათ შორის ორივე მხარის პარლამენტის წევრების მონაწილეობით, მაგრამ მხარეებმა ჯერ კიდევ ვერ შეძლეს სრული კონსენსუსის მიღწევა.
მოლაპარაკებებში ყველაზე საკამათო საკითხი სოფელი აიბგაა. ამ სოფლის ნაწილი მდინარე ფსოუს საზღვარზე მდებარეობს და რუსეთის კრასნოდარის მხარის ნაწილია. მეორე ნაწილი კი აფხაზეთის სანაპიროზე.
რუსეთი სოფლის აფხაზურ ნაწილზე პრეტენზიას აცხადებს და ამტკიცებს, რომ ეს ერთი სოფელია, რომლის გაყოფა შეუძლებელია, რადგან ის ძირითადად ეთნიკური რუსებით არის დასახლებული, რომლებსაც სურთ, რომ ის რუსეთის შემადგენლობაში იყოს. აფხაზეთი არ ეთანხმება ამას და სოფელს, სადაც აფხაზური სალოცავია განთავსებული, წინაპრების აფხაზურ მიწად მიიჩნევს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა რედაქციიის და მისი ცალკეული თანამშრომლების მოსაზრებებსა და პოზიციას. რედაქცია იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
