როსგვარდიას აფხაზეთში არ შეუშვებენ
რუსეთის გვარდიას აფხაზეთში არ შეუშვებენ
გასული კვირის ბოლოს, ინტერნეტში გამოჩნდა უწყებათაშორისი შეთანხმების პროექტი აფხაზეთის შინაგან საქმეთა სამინისტროსა და რუსეთის ეროვნულ გვარდიას (როსგვარდიას) შორის, რომელიც რეალურად გულისხმობს აფხაზეთში როსგვარდიის ქვედანაყოფების გამოყენებას „საზოგადოებრივი წესრიგის დასაცავად და საზოგადოების უზრუნველსაყოფად.”
ამან აღშფოთება გამოიწვია აფხაზურ საზოგადოებაში. მაგრამ განგაში ყალბი აღმოჩნდა – შინაგან საქმეთა მინისტრმა რობერტ კიუტმა განაცხადა, რომ ეს პროექტი ადგილობრივი შსს თანხმობის გარეშე უმოქმედოა.
- წითელი განგაშის დონე: აფხაზეთში უცხოელი აგენტების შესახებ კანონპროექტი პარლამენტში შევიდა
- სოხუმი ადგილობრივ არასამთავრობო ორგანიზაციებს „დივერსიულ“ საქმიანობაში და საქართველოს ინტერესების გატარებაში ადანაშაულებს
- სოხუმის პასუხი ტოივო კლაარს: „დიახ, ჩვენ დახურულები ვართ მათთვის, ვინც ოკუპირებულად გვთვლის“
მანამდე, 9 თებერვალს, საღამოს, რობერტ კიუტმა სცადა საზოგადოების დარწმუნება, რომ შეთანხმების პროექტი „არ ლახავს აფხაზეთის სუვერენიტეტს“.
მაგრამ მისმა ამ სიტყვებმა სიტუაცია კიდევ უფრო დაძაბა. თითქმის ყველა ოპოზიციურმა ორგანიზაციამ და პოლიტიკოსმა რადიკალური განცხადებები გააკეთეს.
განცხადება გააკეთა, მაგალითად, პარლამენტის ყოფილმა დეპუტატმა ალმას არძინბამ:
„შეთანხმება, რომლითაც მეზობელი სახელმწიფოს ეროვნული გვარდიის ჯარები დაიწყებენ აფხაზეთში წესრიგის დამყარებას, არ იქნება დარტყმა მხოლოდ ჩვენი ქვეყნის დამოუკიდებლობისთვის, ის შლის ყველაფერს, რასაც ჩვენ მივაღწიეთ 30 წლის განმავლობაში. პოლიციის ფუნქციებს ვუნაწილებთ უცხოელებს?
ეს უფრო მეტია ვიდრე ღალატი, ეს არის აფხაზი ხალხის სიძულვილი. მისი დამცირებისა და განადგურების სურვილი. მცდელობა დაასრულონ ჩვენი ქვეყნის ისტორია!“
შედეგად, კვირას, 11 თებერვალს, შინაგან საქმეთა მინისტრს მოუწია ახალი განცხადების გაკეთება, რომელიც თავისი სულისკვეთებით ძირეულად განსხვავდებოდა პირველისგან:
„რუსეთის ფედერაციის ეროვნული გვარდიის ჯარების ფედერალურ სამსახურსა და სომხეთის რესპუბლიკის შინაგან საქმეთა სამინისტროს შორის თანამშრომლობის შესახებ შეთანხმების პროექტი, რომელიც ბოლო დღეებში მწვავედ განიხილებოდა აფხაზურ საზოგადოებაში, არ ექვემდებარება დადასტურებას.”
ცოტა მოგვიანებით, ოპოზიციური აფხაზეთის სახალხო მოძრაობის (AP) პრესსამსახურმა სპეციალურ შეტყობინებაში ნათლად განმარტა, რომ სწორედ ოპოზიციამ აიძულა მინისტრი გადაეფიქრებინა ის, რის გაკეთებასაც აპირებდა.
რუსეთის გვარდია აფხაზეთში
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
