პოლონეთის სეიმის ვიცე-სპიკერი: თბილისში ჩვენს საელჩოსთან გაუთავებელი რიგებია. ადამიანები მასობრივად გადიან

რიგები პოლონეთის საელჩოსთან

პოლონეთის სეიმის თავმჯდომარის მოადგილე მალგოჟატა გოშევსკა, რომელიც გასულ კვირას თბილისში იმყოფებოდა, ყურადღებას ამახვილებს გაუთავებელ რიგებზე, რომელიც თბილისში, პოლონეთის საელჩოსთან დგას. მისი თქმით, ეს იმის მანიშნებელია, რომ საქართველოს ხელისუფლება სოციალური პრობლემების გადაჭრით არ არის დაკავებული და საქართველოს მოქალაქეები მასობრივად გადიან ქვეყნიდან.

„ზოგადად მე ძალიან დიდი ყურადღებას ვაქცევ ჩვეულებრივ, საშუალო დონის ადამიანის ცხოვრებას და მდგომარეობას საქართველოში, როგორ გამოიყურება მისი ცხოვრება. მინდა გითხრათ, რომ ეს არ არის საუკეთესო მდგომარეობა. პოლონეთში ჩემი პარტია, რომელსაც მე წარმოვადგენ, თავდაპირველად ორიენტირებული იყო ზუსტად იმაზე, რომ გადაეჭრა სოციალური პრობლემები, გაეტარებინა კონკრეტული სოციალური პროგრამები და ამას საქართველოს ხელისუფლების მაგალითზე, სამწუხაროდ, მე ვერ ვხედავ, ეს აქ არ ჩანს და ამაზე თუნდაც ისიც მოწმობს, რომ პოლონეთის საელჩოსა და საკონსულოსთან გაუთავებელი რიგებია. ადამიანები ცდილობენ წავიდნენ პოლონეთში და ამას აკეთებენ არა იმიტომ, რომ ვთქვათ, პოლონეთი უყვართ და იქ უნდათ ყოფნა, არამედ სოციალური გაჭირვების გამო. რიგებია, რასაც ვაკვირდებით“, – განაცხადა მალგოჟატა გოშევსკამ.

მექსიკის გავლით ამერიკაში – სად და რატომ გარბიან ქართველები

ციხე, უდაბნო, მდინარე – ეს არის გზა ახალი ცხოვრებისკენ

მას შემდეგ, რაც ევროკავშირმა საქართველოს მოქალაქეებისთვის უვიზო რეჟიმი შემოიღო, პოლონეთი საქართველოდან შრომითი მიგრაციის ერთ-ერთი მთავარი მიმართულება გახდა.

სხვა ქვეყნებისგან, სადაც საქართველოს მოქალაქეები სამუშაოდ მიემგზავრებიან, პოლონეთს ის განასხვავებს, რომ ამ ქვეყანაში სამსახური ლეგალურია. პოსტსაბჭოთა ქვეყნების – საქართველოს, უკრაინის, რუსეთის, ბელარუსის, მოლდოვასა და სომხეთის მოქალაქეებისთვის ამ ქვეყანაში სამუშაო ნებართვა მარტივად ფორმდება. კონკრეტულად როგორ მიდიან და საქმდებიან ქართველები პოლონეთში, შეგიძლია წაიკითხოთ “ჯემნიუსის” მიერ ორი წლის წინ მომზადებულ რეპორტაჟში ვარშავიდან და ვროცლავიდან.

სამსახური პოლონეთში – ახალგაჭრილი გზა ევროპაში საქართველოს მოქალაქეებისთვის

რეპორტაჟი ქართველი შრომითი მიგრანტების შესახებ

ასევე, დღეს პოლონეთი მთავარი მიმართულებაა მათთვის, ვინც მექსიკის გავლით ამერიკაში მოხვედრას ცდილობს, რადგან იმ ქვეყნებს შორის, რომლებიც სამუშაო, ანუ D კატეგორიის ვიზებსაც გასცემენ, ყველაზე პოპულარული პოლონეთია.