ყარაბაღი, ბრძოლა გრძელდება: 25 ოქტომბერი

აშშ-ის, აზერბაიჯანისა და სომხეთის ერთობლივი განცხადების თანახმად, ორშაბათს, 26 ოქტომბერს, 8:00 (5:00 CET) საათიდან, ყარაბაღში, საბრძოლო მოქმედებების ზონაში, ჰუმანიტარული ზავი ცხადდება.

20 ოქტომბერს, ერევანში, 20 კაცის შემადგენლობით, საფრანგეთის საპარლამენტო დელეგაცია ჩავიდა. ისინი სომხეთის პრემიერ-მინისტრს, ნიკოლ ფაშინიანს შეხვდნენ. იმავე დღეს, დელეგაცია მთიან ყარაბაღში გაემგზავრა, სადაც 27 ოქტომბრამდე გაჩერდება.

სომხეთის პრემიერმა დეპუტატებს მხარდაჭერისთვის მადლობა გადაუხადა და უთხრა, რომ „მთელი მსოფლიო ელოდება ყარაბაღის კონფლიქტის კომპრომისის გზით გადაწყვეტას, (…) მაგრამ სიტუაცია ჯერჯერობით ჩიხშია“.

„მთავარი დაბრკოლება ის არის, რომ ნებისმიერი კომპრომისი, რომელიც მისაღებია სომხეთისთვის, მიუღებელი ხდება აზერბაიჯანისთვის. და ყოველ ჯერზე, სარგებლობენ რა თურქეთის მხარდაჭერით, უფრო მეტს ითხოვენ. და გაურკვეველია, სად მთავრდება მათი მოთხოვნები და მადა“, – განაცხადა ფაშინიანმა.

პრემიერმა კონფლიქტის დარეგულირების პროცესში, სომხური მხარისთვის ორი მთავარი საკითხი დაასახელა: ყარაბაღის სტატუსის გარკვევა და ხალხის თვითგამორკვევის პრინციპის უფლების გამოყენება.

ასე უპასუხა ნატო აშშ-ის ყოფილმა ელჩმა ივო დაალდერმა CNN-ის წამყვანის, კრისტიან ამანპურის კითხვას: რატომ არის ასეთი მნიშვნელოვანი ყარაბაღის მოვლენები, რომ აშშ-ის სახელმწიფო მდივანი პირადად ჩაერია ამ სიტუაციაში?

დაალდერი: „თურქეთის პირდაპირი ჩართულობა, იარაღის მიწოდება (აზერბაიჯანისთვის), თურქეთის შეიარაღებული ძლების უშუალო მონაწილეობის შესაძლებლობა – ეს, მართლაც რაღაც ახალია ამ სიტუაციაში.

თურქეთი რეგიონიდან აშშ-ისა და სხვა მოთამაშეების გასვლით სარგებლობს. ის ჩართულია რუსეთთან კონფლიქტში სირიასა და ლიბიაში და შეიძლება, ამ ტერიტორიაზეც.

ესკალაციის გაგრძელებამ, შესაძლოა, თურქეთსა და რუსეთს შორის პირდაპირი შეტაკება გამოიწვიოს. და ეს, რა თქმა უნდა, შეშფოთებას იწვევს.

აქ ნატოს პოტენციური მონაწილეობის საკითხი დგება. გარისკავს ნატო რუსეთთან კონფლიქტში შესვლას ამ კონკრეტული პრობლემის გამო? ამიტომ, უმჯობესია, ესკალაციის შეწყვეტას ახლა მივაღწიოთ“.

აზერბაიჯანის თავდაცვის სამინისტრომ ვიდეო გაავრცელა გუბადლის რაიონის დასახლებული პუნქტებიდან, რომელიც აზერბაიჯანის არმიის კონტროლქვეშ გადავიდა.

სომხური მხარე აცხადებს, რომ ამ ტერიტორიებს თვითონ აკონტროლებს.

„უპილოტო თვითმფრინავების ომი – ვფიქრობ, სწორედ ასე შევა ისტორიაში ყარაბაღში ახლა მიმდინარე შეიარაღებული კონფლიქტი“, – დაწერა ტვიტერის საკუთარ გვერდზე, ჟურნალ „ეროვნული თავდაცვის“ მთავარმა რედაქტორმა და იარაღის მსოფლიო ვაჭრობის ანალიზის ცენტრის დირექტორმა, იგორ კოროტჩენკომ.

https://twitter.com/i_korotchenko/status/1320281848442912769

„სომხეთის შეიარაღებული ძალები ბომბავს აღდამის, ტერტერისა და აღჯაბადის რაიონების ტერიტორიას“, – ნათქვამია აზერბაიჯანის თავდაცვის სამინისტროს პრესსამსახურის სასწრაფო განცხადებაში.

ასეთი წინადადებით, აშშ-ის კონგრესის სომხური საკითხების კომისიის ხელმძღვანელი, ფრენკ პალონე გამოვიდა.

„აშშ-მა უნდა გადადგას ისეთი მნიშვნელოვანი ნაბიჯები, როგორიც არის სანქციების დაწესება, რათა აზერბაიჯანს ცეცხლის შეწყვეტის შეთანხმების დაცვა და უცხოელი „ბოევიკი-ტერორისტების“ გამოყენების შეწყვეტა აიძულოს“, – დაწერა ტვიტერის საკუთარ გვერდზე კონგრესმენმა აშშ-ში მყოფ, სომხეთის საგარეო საქმეთა მინისტრ, ზოგრაბ მნაცაკანიანთან შეხვედრის შემდეგ.

მანამდე, პალონემ და 30-მა კონგრესმენმა აშშ-ის წარმომადგენელთა პალატაში, მთიანი ყარაბაღის დამოუკიდებლობის აღიარების შესახებ რეზოლუცია შეიტანეს.

https://twitter.com/FrankPallone/status/1320160423497388032?ref_src=twsrc%5Etfw%7Ctwcamp%5Etweetembed%7Ctwterm%5E1320160423497388032%7Ctwgr%5Eshare_3%2Ccontainerclick_0&ref_url=https%3A%2F%2Fjam-news.net%2Fru%2FD0B2D0BED0B9D0BDD0B0-D0B2-D0BAD0B0D180D0B0D0B1D0B0D185D0B5-D0BDD0BED0B2D0BED181D182D0B8-live-D0B1D0BED0B8-D0B6D0B5D180D182D0B2D18B-D0BC%2F

ყარაბაღში, ბრძოლების დაწყებიდან 29-ე დღე

• ყარაბაღის ომბუდსმენის განცხადებით, საბრძოლო მოქმედებების დაწყებიდან, 27 სექტემბრიდან მოყოლებული, ყარაბაღის 37 მშვიდობიანი მოსახლე დაიღუპა და სულ მცირე, 118 დაიჭრა.

• აზერბაიჯანის თავდაცვის სამინისტროს ინფორმაციით, ბრძოლების დაწყებიდან, დაიღუპა 63 მშვიდობიანი მოსახლე და 298 დაიჭრა.

• სომხეთისა და აზერბაიჯანის თავდაცვის სამინისტროებმა საბრძოლო მოქმედებების რუკა გამოაქვეყნეს (აზერბაიჯანმა ინტერაქტიული). ისინი საგრძნობლად განსხვავდება ერთმანეთისგან და მათი ნახვა შეგიძლიათ აქ.

• აზერბაიჯანში, აშშ-ის საელჩომ საკუთარი მოქალაქეები, პოტენციური ტერორისტული თავდასხმების შესახებ გააფრთხილა. აზერბაიჯანში, სოციალურ ქსელებში წერენ, რომ ამერიკელებს მხედველობაში აქვთ სომხეთის მხრიდან შესაძლო ტერაქტები.

• სომხეთის საგარეო საქმეთა მინისტრმა განაცხადა, რომ 23 ოქტომბერს, აშშ-ში გამართულ მოლაპარაკებებზე, განიხილეს ყარაბაღში სამშვიდობო ძალების შესაძლო გაგზავნის საკითხი და ხაზი გაუსვეს კონფლიქტის დარეგულირების საერთაშორისო მანდატის მნიშვნელობას, ეუთოს მინსკის ჯგუფის სახით, რომლის შემადგენლობაშიც, აშშ-ის გარდა, შედიან რუსეთი და საფრანგეთი.

• სომხეთის საგარეო საქმეთა მინისტრმა განაცხადა, რომ 27 სექტემბერს დაწყებული საბრძოლო მოქმედებების შედეგად, 90 ათასი ადამიანი გახდა დევნილი.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 24 ოქტომბერი, 2020