ნატოსა და ევროკავშირში გაწევრებას მხარს მოსახლეობის 56% უჭერს
“საერთაშორისო გამჭვირვალობა – საქართველოს” (TI) დაკვეთით ჩატარებულმა კვლევამ აჩვენა, რომ მოსახლეობის დიდი ნაწილი მხარს უჭერს საქართველოს ევრო-ატლანტიკურ სტრუქტურებში გაწევრებას.
რა აჩვენა კვლევამ:
● მოსახლეობის ნახევარზე მეტი (56%) ფიქრობს, რომ საქართველო უნდა გაწევრდეს ნატო-სა და ევროკავშირში მაშინაც კი, თუ ეს რუსეთთან ურთიერთობების დაძაბვას გამოიწვევს, 26% კი ამის წინააღმდეგია.
● გამოკითხულთა თითქმის ნახევარი – 49 პროცენტი – ეთანხმება აზრს, რომ რუსეთი ოკუპანტი და საქართველოს მტერია და ტერიტორიების დეოკუპაციის გარეშე, მასთან კეთილმეზობლური ურთიერთობა არ უნდა გვქონდეს. გასულ წელს ასე მოსახლეობის 46% ფიქრობდა.
● მოსახლეობის 39% კი, ოკუპაციის მიუხედავად, რუსეთთან ურთიერთობის მომხრეა. 2019 წელს რუსეთთან ურთიერთობას მხარს მოსახლეობის 44% უჭერდა.
● ნატოში გაწევრიანებისგან მოსახლეობის 41% უპირველესად უსაფრთხოებას მოელის;
● რესპონდენტთა 41% მიიჩნევს, რომ ევროკავშირში გაწევრება, ქვეყანას ეკონომიკურ განვითარებას მოუტანს;
- ინფიცირებული კოღოები და ამერიკული თვითმფრინავი – მოსკოვი ლუგარის ლაბორატორიის ინსპექტირებას ითხოვს. რას პასუხობს თბილისი
- ინფიცირებული კოღოები და ამერიკული თვითმფრინავი – მოსკოვი ლუგარის ლაბორატორიის ინსპექტირებას ითხოვს. რას პასუხობს თბილისი
კვლევა საერთაშორისო გამჭვირვალობა – საქართველოს დაკვეთით, კავკასიის კვლევითი რესურსების ცენტრმა 2020 წლის 27 თებერვლიდან 18 მარტის პერიოდში ჩაატარა. კვლევის ფარგლებში ქვეყნის მასშტაბით (გარდა ეთნიკური უმცირესობებით კომპაქტურად დასახლებული არეალებისა და აფხაზეთის და ცხინვალის ოკუპირებული ტერიტორიებისა) 1 763 რესპოდენტი გამოიკითხა. კვლევის ცდომილების ზღვარი 2,2%-ია.
