"ნაციონალური მოძრაობა" საკუთარ ამომრჩეველს მოუწოდებს, არ მივიდნენ მეორე ტურზე
“ნაციონალური მოძრაობა” 2020 წლის საპარლამენტო არჩევნების მეორე ტურში მონაწილეობას არ მიიღებს და იგივეს მოუწოდებს საკუთარ ამომრჩეველს.
● ჩვენ არ ვასაჯაროებთ საუბრის დეტალებს – ოპოზიამ პომპეოს მოადგილესთან შეხვედრა დაასრულა
პარტიის ერთ-ერთი ლიდერის, ხატია დეკანოიძის თქმით, ბიძინა ივანიშვილმა მოქალქეებს კონსტიტუციით მინიჭებული ხმის მიცემის უფლება ჩამოართვა.
„მოვუწოდებთ ჩვენ ყველა მომხრეს, არ მივიდნენ არჩევნებზე, იმიტომ რომ ჩვენ გვაქვს ბოიკოტი მეორე ტურზე. ჩვენ გესაუბრებით პარტიის, ჩვენი ბლოკის, მეორე ტურში გადასული მაჟორიტარების სახელით, მინდა მოვუწოდო ყველას, პარტიის და მათ შორის, ისნის ამომრჩევლებს. ბიძინა ივანიშვილმა ჩამოართვა მოქალაქეებს კონსტიტუციით მინიჭებული ხმის მიცემის უფლება” – ამბობს ხატია დეკანოიძე.
ხატია დეკანოიძის განცხადებით, “ეს არ არის არჩევნები, ეს არის კრიმინალური აქტი, რომელიც განახორციელა ოლიგარქიულმა ხელისუფლებამ”.
● IRI ქართულ არჩევნებს აფასებს და მნიშვნელოვან დარღვევებზე საუბრობს
“ჩვენ არ ვმონაწილეობთ მეორე ტურებში, დავწერეთ ყველამ განცხადებები, ამიტომ არ მიბრძანდეთ ჩვენო ამომრჩევლებო, ეს არ არის არჩევნები, ეს არის კრიმინალური აქტი, რომელიც განახორციელა ოლიგარქიულმა ხელისუფლებამ 31 ოქტომბერს“, – განაცხადა ხატია დეკანოიძემ.
მისივე თქმით, საპროტესტო აქციები ისევ გაგრძელდება.
„აქციები გაგრძელდება, იქნება მასშტაბური აქციები. 21 ნოემბერს გვექნება სხვადასხვა წერტილოვანი აქციები, მათ შორის, ვგეგმავთ ცოცხალ ჯაჭვს. ვგეგმავთ, სხვადასხვა ადგილზე გამოხატვის თავისუფლებას ახალგაზრდები, ოპოზიციური პარტიები”
„ერთიანმა ნაციონალურმა მოძრაობამ“ გააუქმა ე.წ. “სირცხვილის დერეფნებიც”, რომელიც 21 ნოემბერს, არჩევნების მეორე ტურზე, საარჩევნო უბნებთან იგეგმებოდა, თუმცა პარტიის გადაწყვეტილებით, იქნება წერტილოვანი პროტესტი.
● სახელმწიფო დეპარტამენტი: მოვუწოდებთ ოპოზიციას, შევიდნენ პარლამენტში
როგორც რუსთავის მაჟორიტარობის კანიდადატი დავით კირკიტაძე აცხადებს, გარდა იმისა, რომ მათი პარტია არჩევნების მეორე ტურში მონაწილეობას არ მიიღებს, ისინი არც ხელის შეშლას აპირებენ.
“მინდა გითხრათ, რომ ჩვენ არ ვაპირებთ რაიმე სახით ამ ფარსში მონაწილეობის მიღებას და არც ხელის შეშლას იმ პროცესისას, რომელსაც მხოლოდ ერთი პოლიტიკური ჯგუფი უწოდებს საქართველოში არჩევნებს”, – აცხადებს დავით კირკიტაძე.
___________________
ამავე დროს, სხვადასხვა ტელევიზიებში ყოველდღიურად ტრიალებს ვიდეორგოლი, რომელიც მოსახლეობას არჩევნების მეორე ტურებში მონაწილეობისკენ მოუწოდებს.
თუმცა ამ ვიდეორგოლებში მხოლოდ “ქართული ოცნების” კანდიდატები ჩანან.
ვიდეომ მოსახლეობის ნაწილს საბჭოთა კავშირი გაახსენა.
