მოსაზრება: რა უშლის ხელს ვაქცინაციას სამხრეთ ოსეთში
კორონავირუსის საწინააღმდეგო ვაქცინაციის პროცესი სამხრეთ ოსეთში, ისევე როგორც ბევრ სხვა ადგილას, დაბრკოლებებით მიმდინარეობს. მთავარი პრობლემაა მოსახლეობის ნაწილის ვაქცინაციის მიმართ სკეპტიკური დამოკიდებულება, ასევე ეფექტური საინფორმაციო კამპანიის არარსებობა ვაქცინების სარგებლის შესახებ.
საერთო ჯამში სამხრეთ ოსეთში, ოფიციალური მონაცემებით, ვირუსი ხუთ ათასზე მეტმა ადამიანმა გადაიტანა. ოფიციალური მონაცემები დაღუპულთა რაოდენობის შესახებ არ არსებობს. ჟურნალისტი, ბლოგერი და მეწარმე ალან პარასტაევი მოგვითხრობს, თუ როგორ მიმდინარეობს ვაქცინაციის პროცესი სამხრეთ ოსეთში და რა და მოკიდებულება აქვს ხალხს მასთან.
ოფიციალური მონაცემებით, ამ დროისთვის მთელ რესპუბლიკაში 1020 ადამიანია აცრილი. მათგან რვაასზე მეტია ისინი, ვინც ვაქცინის ორი კომპონენტი მიიღო. ეს ბევრია თუ ცოტა, იმის გათვალისწინებით, რომ სამხრეთ ოსეთის მოსახლეობა ორმოცდაათ ათასზე მეტია, ძნელი სათქმელია. ალბათ არასაკმარისია – იმ ქვეყნებთან შედარებით, სადაც ვაქცინაცია სახელმწიფო პროგრამას და სადაც შემუშავებულია და ხორციელდება მთელი კამპანიები ვაქცინაციის მაქსიმალურად გაზრდის მიზნით. ან იმ სახელმწიფოებთან შედარებით, სადაც მოქალაქეებს ვაქცინაციას აიძულებენ.
- “თვითმარქივია” და “თალიბანი”. ვინ და რატომ წავიდა ავღანეთში სამხრეთ ოსეთის სახელით
- მოსაზრება: როგორ ეხმარება ეგოიზმი და უპასუხისმგებლობა ვირუსს აფხაზეთში
- ფოთის ეპარქია: სასულიერო პირებისგან აცრის საწინააღმდეგო მოწოდებები დაუშვებელია
რა და რამდენად ახდენს გავლენას ვაქცინაციის პროცესზე ის კითხვაა, რომელზეც ბევრი პასუხი არსებობს: ზოგადად კორონავირუსის შესახებ ინფორმირებულობის დაბალი დონით დაწყებული, ხალხის მენტალიტეტით დამთავრებული.
ამბობენ, თითქოს ოსები “ყველაზე უშიშარი, ყველაზე ძლიერი და ჯანმრთელი ხალხია, რომელსაც ვერაფერი მოერევა”. ვიღაცას სტატისტიკის არ სჯერა, ვიღაც უბრალოდ ისე იქცევა, თითქოს ვირუსი არ არსებობს.
ვაქცინაცია და პოლიტიკა
მოსახლეობის ვაქცინაციის მდგომარეობაზე მნიშვნელოვანი გავლენა არ მოუხდენია არც რუსეთის ფედერაციის პრეზიდენტის პუტინის თვითიზოლაციაში გადასვლას, არც სამხრეთ ოსეთის უარს პანდემიის წინააღმდეგ ბრძოლაში დახმარების მიღებაზე გაეროს, ეუთოს და ევროკავშირის წარმოადგენლებისგან.
უკვე მეორე კვირაა, ლიბერალური პრესა იუწყება იმის შესახებ, რომ რუსეთის ლიდერი, რომელიც თავისი პირადი მაგალითით პროპაგანდას უწევდა რუსული ვაქცინის ეფექტურობას, კარანტინში გადავიდა. და ამით თითქოს “Sputnik V” – ის რეპუტაცია “შეარყია”. მაგრამ სამხრეთ ოსეთში ამ ფაქტს რაიმე განსაკუთრებით ინტერესი არ გამოუწვევია, არც პრესაში და არც ხალხში.
რაც შეეხება ჩვენი პრეზიდენტის ანატოლი ბიბილოვის განცხადებას, რომელიც მან ჟენევის დისკუსიების თანათავმჯდომარეებთან შეხვედრისას გააკეთა ეუთოდან, ევროკავშირიდან და გაეროდან. მისი განცხადებით, “ჩვენ თვითონ გავუმკლავდებით ამ (COVID-19) გამოწვევებს”.
ამის გამო ვშიშობდი, რომ ხალხი, რომელის ამას მოისმენდა, გამოიტანდა დასკვნებს, რომ საფრთხე არც ისე სერიოზულია – ვინაიდან ჩვენ უარს ვამბობთ დახმარებაზე და თავად მზად ვართ დავეხმაროთ იმავე საქართველოს. ამის გამო ხალხი ნაკლებად ფრთხილად იქნებოდა, მაგალითად, უარს იტყოდნენ ნიღბებზე და სხვა სანიტარულ ზომებზე და ვაქცინაციასაც არც ისე მნიშვნელოვნად ჩათვლიდა.
რატომ გაურბიან ვაქცინას?
ჩემი დაკვირვებით, ისინი, ვინც წინააღმდეგი იყო და არ სჯეროდა ვაქცინაციის, ახლაც იგივე აზრზე რჩებიან. მაგრამ ამავე დროს, ჯანდაცვის სამინისტრო ირწმუნება, რომ იზრდება იმ ადამიანთა რიცხვი, რომელთაც რუსული Sputnik V ვაქცინით აცრა სურთ.
სინამდვილეში, ვაქცინაციის კაბინეტში მითხრეს, რომ ზაფხულის ბოლოს, იმ პერიოდში, როდესაც ეპიდემიის ზრდა დაიწყო, ვაქცინაციაზე დღეში ხუთამდე ადამიანი მოდიოდა, ზოგჯერ კი ერთი ან ორი. ბოლო ერთი კვირაა დღეში ათობით ადამიანი მოდის.
მაგრამ როგორც ზემოთ დავწერე, ვაქცინაციის მგზნებარე მოწინააღმდეგეთა და მათი რიცხვი, ვისაც არ სჯერა თავად პანდემიის როგორც ასეთის არსებობა, არ მცირდება. სულ უფრო ხშირად, მეგობრებთან და ნაცნობებთან შეხვედრისას, ისინი ჩემს დარწმუნება ცდილობენ.
ყველაზე ხშირად ისე ხდება, რომ პირადი მაგალითებით ცდილობენ იმის დასაბუთებას, რომ არ უნდა ავიცრა. თანაც, ხშირად ეს მხოლოდ სიტყვები არ არის.
ხანდაზმულმა კაცმა, რომელიც დიდი ხნის განმავლობაში უმუშევარი იყო, როგორც იქნა კარგ სამსახურში, სასიამოვნო გუნდში დაიწყო მუშაობა.
მაგრამ დამსაქმებელმა სავალდებულო ვაქცინაციის პირობა დაუყენა და ჩემმა მეგობარმა ეს სამსახური დაუფიქრებლად დატოვა.
ამის მიზეზი ვაქცინის მავნებლობის სრული რწმენაა.
მას სჯერა, რომ ვაქცინა მომაკვდინებელია, ან სულ მცირე ადამიანს ინვალიდად ხდის და იმუნურ სისტემას მთლიანად ანადგურებს. ”შეიძლება ეს საზიზღრობა არ შეგეყაროს, – იყო მისი სიტყვები, – მაგრამ თირკმელების მიზეზიდ მოკვდები ან შეიძლება დაბრმავდე”.
”არ გაიკეთო, არ ენდო ვაქცინას, ეს არის პროპაგანდა, მსოფლიო შეთქმულება! მამამ მეორე აცრის შემდეგ მეხსიერება დაკარგა, ის საერთოდ ვეღარ მცნობს, ეს საშინელებაა“, – ამბობს ჩემზე ხუთი წლით უმცროსი მეგობარი. მამამისი დაახლოებით 70 წლისაა. ბოლო დრომდე დურგლად მუშაობდა და შეკვეთების ზომებს არასოდეს იწერდა, ყველაფერს იმახსოვრებდა. შემდეგ მან მეხსიერება დაკარგა, არ ახსოვს არა მხოლოდ ბოლოდროინდელი მოვლენები, არამედ ის, რაც მოხდა წინა დღეს. თავის თავში ჩაიკეტა და თითქმის არავის ელაპარაკება.
როდესაც საკმარისი ინფორმაცია არ არის
პირველი მაგალითი ნათლად მიუთითებს იმაზე, რომ ხალხში ვაქცინაციის საწინააღმდეგო პროპაგანდა ვრცელდება. ეს ხელოვნურად ხდება თუ სპონტანურად, ვერ გაიგებ. ისეთი საუბრებიც კი ყოფილა, რომ ვაქცინაციის საწინააღმდეგო ტალღა ასევე მსოფლიო შეთქმულების ნაწილია, რათა მეტი ადამიანი დაიღუპოს.
მაგრამ მე არ შემიძლია მეორე მაგალითს რაიმეთი შევედავო, კონტრარგუმენტები უბრალოდ არ გამაჩნია. და საიდან მექნება ისინი, თუ მოქალაქეებისთვის ვაქცინაციის მხარდამჭერი საინფირმაციო კამპანია არ ჩატარებულა. თუ არ ჩავთვლით მსახიობებისა და ცნობილი პიროვნებების განცხადებებს, რომ აცრის არ ეშინიათ.
მაგრამ საიდან მოდის გვერდითი მოვლენები და რა უნდა ვიცოდეთ და გავაკეთოთ, რომ ისინი თავიდან ავიცილოთ, ან სულ მცირე მაქსიმალურად გავანეიტრალოთ – ამის შესახებ ჩვენ არაფერი ვიცით, რადგან არ გვეუბნებიან.
ფოტო მთავარ გვერდზე:Towfiqu barbhuiya, unsplash.com
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
