მოსაზრება: აფხაზეთის ეკონომიკაში რუსული ინვესტიციების შესახებ შეთანხმება მონური და დამამცირებელია
რუსული ინვესტიციები აფხაზეთში
ცნობილმა აფხაზმა რეჟისორმა და ბლოგერმა თენგიზ ჯოპუამ აფხაზეთის პარლამენტში განხილულ რუსულ-აფხაზური შეთანხმების პროექტზე ისაუბრა.
აფხაზური ოპოზიცია, სამოქალაქო საზოგადოების მნიშვნელოვანი ნაწილი (და ზოგადად, თითქმის ყველა, გარდა ასლან ბჟანისა და მისი გუნდისა) ამ შეთანხმებას აფხაზეთისთვის წამგებიან და უკიდურესად საზიანოდ მიიჩნევს, რადგან ის რუს ინვესტორებს უზარმაზარ უპირატესობას აძლევს ადგილობრივ მეწარმეებთან შედარებით. ოპონენტების აზრით, აფხაზური ბიზნესი ასეთ კონკურენციას ვერ გაუძლებს.
- “აფხაზეთის პრეზიდენტი ლობირებს რუსი ოლიგარქების ინტერესებს, რათა დარჩეს ხელისუფლებაში” – მოსაზრება სოხუმიდან
- აფხაზეთში ოპოზიცია რუსული ინვესტიციების შესახებ შეთანხმების პროექტს “კოლონიალურად“ მიიჩნევს
თენგიზ ჯოპუა:
„რა არის ყველაზე მნიშვნელოვანი ამ შეთანხმებაში?
- ის ითვალისწინებს რუსი ინვესტორების, რუსული ბანკების, რუსული სახელმწიფოს და პირადად აფხაზეთის პრეზიდენტის, ასლან ბჟანიას ინტერესებს;
- ეწინააღმდეგება ეროვნულ ეკონომიკაში აფხაზი მონაწილეების, აფხაზური ბანკების, აფხაზეთის სახელმწიფოს და მთლიანად, საზოგადოების გრძელვადიან და საშუალოვადიან ინტერესებს;
- თუ ხელშეკრულებიდან ამოვიღებთ განმარტებას, რომ ის შეიძლება განხორციელდეს ტურიზმის, მშენებლობის ან სასტუმროებისა და სანატორიუმების რესტავრაციის სფეროში, მაშინ ეს შეთანხმება ყოველგვარ აზრს დაკარგავს.
სხვა სიტყვებით რომ ვთქვათ:
ჯერ ერთი, ეს შეთანხმება არის კიდევ ერთი სკანდალური კანონპროექტის განუყოფელი ნაწილი – აფხაზეთში ბინების მშენებლობის შესახებ კანონთან ერთად.
მეორეც, “ინვესტორები“ ვერ შეძლებენ ისარგებლონ საინვესტიციო პროექტებისთვის შეღავათიანი კრედიტების შესაძლებლობით, რაც რუსეთში საპროცენტო განაკვეთის სუბსიდირების შესაძლებლობით არის გათვალისწინებული.
ეს შეთანხმება არის მონური, დამამცირებელი და ძალიან მოგვაგონებს დასავლელი ინვესტორების მოთხოვნებს, რომლებიც 1990-იან წლებში რუსეთის ეკონომიკის გაფართოებით იყვნენ დაკავებულნი.
აფხაზეთში არის კომპადორული ხელისუფლება, რომლის ინტერესები ღრმა კონფლიქტში მოდის აფხაზი ხალხის ინტერესებთან. ეს მთავრობა ჩვენი ერის მეხუთე კოლონაა“.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
