მიხეილ სააკაშვილის სტატია Politico-ზე: მე პოლიტპატიმარი ვარ და ვკვდები
მიხეილ სააკაშვილის სტატია Politico-ზე
ავტორიტეტული გამოცემა Politico საქართველოს მესამე პრეზიდენტის, მიხეილ სააკაშვილის სტატიას აქვეყნებს, სადაც ექსპრეზიდენტი ქვეყანაში მიმდინარე მოვლენებს მიმოიხილავს და ამბობს, რომ ის პოლიტპატიმარია და “კვდება”
რას წერს მიხეილ სააკაშვილი:
● მას შემდეგ, რაც თებერვალში რუსეთის პრეზიდენტის ვლადიმერ პუტინის უკრაინაში მანიაკალური და არაპროვოცირებული სამხედრო შეჭრის ერთი წლისთავი აღინიშნა, საქართველო და რეგიონის სხვა ქვეყნები კრემლისკენ სვლას აგრძელებენ, თუმცა ქართველმა ხალხმა მარტის აქციებით დაადასტურა თავისი ერთგულება და სურვილი ევროკავშირსა და NATO-ში გაწევრიანდეს.
● საქართველოს დემოკრატიული რეგრესი კვლავ გამოიკვეთა შეერთებული შტატების სახელმწიფო დეპარტამენტის ადამიანის უფლებათა ანგარიშში, ხოლო დემოკრატიისთვის გლობალური საფრთხე გამოიკვეთა გასულ თვეში პუტინისა და ჩინეთის პრეზიდენტის სი ძინპინის შეხვედრის დროს.
● ეს ყველაფერი [მარტის აქციები] მოხდა რამდენიმე კილომეტრში იმ ციხის საკნიდან, სადაც ვიბრძვი სიცოცხლისთვის და სადაც ასევე ვაგრძელებ დემოკრატიის დაცვას პუტინისა და მისი მოკავშირეებისგან. ვარ პოლიტპატიმარი საქართველოში – ქვეყანაში, რომელსაც პრეზიდენტის რანგში 2004 წლიდან 2013 წლამდე ვხელმძღვანელობდი და ბევრს ვმუშაობდი დემოკრატიისა და დასავლეთისკენ გადასვლისთვის
● რა გეგმა აქვს ოპოზიციას ხელისუფლების შესაცვლელად?
● Foreign Affairs: რუსეთი საქართველოში იმარჯვებს
● “ესაა გაფრთხილება” – რას ამბობენ სანქციებზე უცხოელი ექსპერტები და ჩინოვნიკები
● ხელისუფლებაში ყოფნის რამდენიმე თვის შემდეგ, ევროპისა და აშშ-ის ლიდერები მაქებდნენ დემოკრატიისა და თავისუფალი ბაზრების მხარდაჭერისთვის და ორგანიზებული კრიმინალური სინდიკატების მიერ საქართველოში დე ფაქტო კონტროლის პერიოდის დასრულებისთვის.
● 2005 წელს სენატორების ჰილარი კლინტონისა და ჯონ მაკკეინის მიერ ნობელის მშვიდობის პრემიაზე წარმადგინეს “დემოკრატიის, ინდივიდუალური თავისუფლებისა და სამოქალაქო უფლებების საყოველთაო ღირებულებების სახალხო მხარდაჭერის მოპოვების გამო”.
● რუსეთის საქართველოში შეჭრის შემდეგ, დასავლელი ლიდერები, ისივე როგორც უკრაინის ომის დაწყებისას ვოლოდიმირ ზელენსკის, მეც მთავაზობდნენ ქვეყნის დატოვებას, თუმცა ამ მოწოდებაზე უარი ვთქვი. ქვეყნის ტერიტორიების 20% ამ დრომდე ოკუპირებულია რუსეთის მიერ.
● 2008 წლის ომის შემდეგ რამდენიმე წლის განმავლობაში ვცდილობდი გამეფრთხილებინა ჩემი დასავლელი კოლეგები პუტინის იმპერიალისტური ამბიციების და მის მიერ წარმოქმნილი საფრთხის შესახებ. მაგრამ მიუხედავად იმისა, რომ დასავლეთმა გამოხატა საჭირო მხარდაჭერა და სოლიდარობა ჩვენს საქმესთან, როგორც ჩანს, ცოტამ თუ აღიქვა სერიოზულად პუტინის მილიტარიზმის საფრთხე.
● “ქართული ოცნება” ამ დრომდე კულისებიდან ოლიგარქ ბიძინა ივანიშვილის მიერ იმართება – ადამიანით, რომელმაც თავისი ქონება 1990-იან წლებში მოსკოვში დააგროვა და როგორც ცნობილია, მჭიდრო კავშირები აქვს პუტინთან.
● როდესაც საქართველოში დავბრუნდი 2021 წლის ოქტომბერში, რვაწლიანი ემიგრაციის შემდეგ, თავისუფალი და სამართლიანი საპარლამენტო არჩევნების მხარდასაჭერად, ვიყავი ჯანმრთელი, ენერგიული 54 წლის კაცი… და პატიმრობაში, ჩემი ჯანმრთელობა მკვეთრად გაუარესდა; ახლა ვკვდები. სისტემატურად მაწამებდნენ, ფიზიკურად და ფსიქოლოგიურად და ამჟამად სხეულში მძიმე მეტალების მოწამვლის ნიშნები მაქვს. ახლა მაწუხებს 20-ზე მეტი სერიოზული ავადმყოფობა, რომელთაგან ყველა განვითარდა პატიმრობაში.
● სულ უფრო აშკარაა, რომ მალე მოვკვდები, თუ სათანადო სამედიცინო დახმარებას არ მივიღებ ქვეყნის ფარგლებს გარეთ. ამ ყველაფრის ფონზე, თებერვლის შუა რიცხვებში, ევროპარლამენტმა გამოსცა რეზოლუცია, რომლითაც მოითხოვდა ჩემს გათავისუფლებას და ასევე აღნიშნა საქართველოს დემოკრატიული უკუსვლა. ამავდროულად, ქართული ოცნების მთავრობა აგრძელებს დასავლელი ლიდერების დაცინვას, ხალისით უყურებს საქართველოს ევროპული მომავლის სწრაფ დაშორებას და მშვიდობიანი მოქალაქეების წინააღმდეგ ცრემლმდენ გაზს იყენებს
● “სააკაშვილი, შესაძლოა, მალე საწოლს მიჯაჭვული გახდეს” – ომბუდსმენის კონსილიუმი საგანგაშო დასკვნას აქვეყნებს
● “რატომ არ გესმით ხალხის მოთხოვნა? მათ უნდათ ევროპა და არა რუსეთი” – საქართველოს პრეზიდენტის გამოსვლა პარლამენტში
● კონგრესისა და ბაიდენის ადმინისტრაციის დახმარების გარეშე, ევროკავშირისა და გაერთიანებული სამეფოს პარლამენტებთან ერთად, ამჟამინდელი ხელისუფლება გააგრძელებს თვალის დახუჭვას არა მხოლოდ დემოკრატიაზე, არამედ კანონის უზენაესობაზე, ხოლო ადამიანის უფლებების ფუნდამენტური საყრდენები კვლავ ჩამოიშლება საქართველოში.
● ჩემმა სიკვდილმა შეიძლება გამოიწვიოს პოლიტიკური ქაოსი საქართველოში, მაგრამ ჩემი მოწამეობა, რა თქმა უნდა, ჩაითვლება პუტინის გამარჯვებად – ძლევამოსილი სიმბოლო ამ რეგიონის ყველა ლიდერისთვის და, შესაძლოა, მსოფლიოსთვის, რომლებიც ვერ აღუდგებიან რუსულ იმპერიალიზმს.
● თუმცა, თუ აშშ-ის კონგრესსა და ბაიდენის ადმინისტრაციას შეეძლება იმუშაოს ევროკავშირთან, რათა უზრუნველყოს ჩემი გათავისუფლება სანქციების, ეკონომიკური ემბარგოების, დაფინანსების შეჩერებისა და სავიზო შეზღუდვების გზით, ეს არა მხოლოდ მორიგი დარტყმა იქნება პუტინისთვის, არამედ ის ასევე გაგზავნის ძლიერი სიგნალს იმისა, რომ აშშ და ევროპა რჩებიან დემოკრატიის, წესიერებისა და სამართლიანობის იდეალების ერთგული. იმ იდეალების, რომლებზეც ერთხელ პრეზიდენტმა ბაიდენმა მითხრა, რომ შემიძლია დავეყრდნო
● სააკაშვილის საქმეები. რისთვის ზის ციხეში ყოფილი პრეზიდენტი
● მაგნიტსკის აქტის ავტორი: სააკაშვილი ჩვენ თვალწინ კვდება – ეს ხელისუფლების პასუხისმგებლობაა
სახალხო დამცველის მიერ შექმნილი კონსილიუმი, რომელმაც მიხეილ სააკაშვილი 2 აპრილს კლინიკა “ვივამედში” მოინახულა, საგანგაშო დასკვნას აქვეყნებს მესამე პრეზიდენტის ჯანმრთელობის მდგომარეობის შესახებ.
დასკვნის მიხედვით, პაციენტის მდგომარეობა 19 თებერვლის (წინა ვიზიტის) შემდეგ მნიშვნელოვნად დამძიმდა – მან ოთხი კილო დაიკლო, აქვს მეოთხე სტატიის კახექსია და მძიმე სარკოპენია. დასკვნაში აღნიშნულია, რომ ლოგინიდან წამოდგომისას პაციენტს აღენიშნება წნევის ძლიერი ვარდნა 120/90-იდან 78/40-მდე.
“თუ წონის კლება გაგრძელდება, საქართველოს მესამე პრეზიდენტი “საწოლს მიჯაჭვული გახდება,” – წერია დასკვნაში.
რაც შეეხება პროგნოზსა და რისკებს, ომბუდსმენის კონსილიუმის ცნობით, “პაციენტი შესულია აქტიური კატაბოლიზმის ფაზაში”. ასევე, მათი განცხადებით, მიხეილ სააკაშვილისთვის კრიტიკულ წონას წარმოადგენს 52-53 კილოგრამი, რის შემდეგადაც დაიწყება ორგანიზმის შეუქცევადი ცვლილებები და ის საწოლს მიჯაჭვული გახდება.
დასკვნაში ვკითხულობთ, რომ “ამჟამად ზედამხედველობის გარეშე პაციენტის მოძრაობა სახიფათოა“, რადგანაც ძალიან მაღალია დავარდნის, სხეულის დაზიანებისა/მოტეხილობების რისკი.
მესამე პრეზიდენტის ოჯახის წევრები და ადვოკატები ჯანმრთელობის მდგომარეობის გამო, სააკაშვილისთვის სასჯელის გადავადებას ან სასჯელისგან გათავისუფლებას ითხოვდნენ და ამ შუამდგომლობით სასამართლოს მიმართეს. თუმცა მიხეილ სააკაშვილს სასამართლომ სასჯელი არ გადაუვადა. გადაწყვეტილება დასკვნით სხდომაზე მოსამართლე გიორგი არევაძემ გამოაცხადა.
კლინიკა “ვივამედში” ამბობდნენ, რომ მიხეილ სააკაშვილის მასის ინდექსი არ შეესაბამება რეანიმაციაში მკურნალობის პარამეტრებს. კლინიკის დირექტორის, ნინო ნადირაძის თქმით, თუ დააპირებენ მის რეანიმაციაში მოთავსებას, ინფორმაციას აუცილებლად გაავრცელებენ. თუმცა 22 თებერვალს გამართულ პრესკონფერენციაზე კლინიკის ექიმებმა თავადაც არ უარყვეს, რომ ექსპრეზიდენტის მდგომარეობა მძიმეა – მათი თქმით, პაციენტს ზოგადი სისუსტე აწუხებს, არაბალანსირებულად იკვებება და წონაში კლებას აგრძელებს.
