სოხუმის ადმინისტრაციის მაღალჩინოსანმა ასლან დოჩიამ სამი ადამიანი მოკლა. დანაშაული მიწის ნაკვეთზე დავის გამო მოხდა.
შემთხვევა 11 იანვარს, შუადღისას, სოხუმის პოპულარულ კაფე “ბისკვიტში“ დაიწყო, სადაც ორმა ადგილობრივმა ბიზნესმენმა, ეშსო ჯიბამ და ლაშა კვიცინიამ საქმის მოსაგვარებლად სოხუმის ადმინისტრაციის იურიდიული სამსახურის თანამშრომელი, ასლან დოჩია დაიბარეს.
აფხაზური მედიის ცნობით, დოჩიამ ადრეც თქვა უარი ამ ბიზნესმენების სასარგებლოდ მცირე მიწის ნაკვეთის რეგისტრაციაზე. შესაბამისად, კაფეში საუბარი ამ წარუმატებელი გარიგების ირგვლივ ჩხუბში გადაიზარდა, დოჩიამ პისტოლეტი ამოიღო და ოპონენტებს თითო ტყვია ესროლა. ამის შემდეგ ის გასასვლელისკენ გაემართა, სადაც “ბისკვიტთან” ახლად მისულ ჯიბას ძმას, ნარსოუ ჯიბას შეეჯახა.
ამ მოვლენების ვიდეოჩანაწერიდან შეიძლება დავასკვნათ, რომ ჟიბამ სროლის ხმა გარეთ ყოფნისას გაიგო, მაგრამ როცა კაფეში შევარდა, ჯერ არ იცოდა, რა მოხდა. ასე რომ, მან ძმის მკვლელს გვერდზე ჩაუარა, ასლან დოჩიამ კი ჯიბას ზურგში ესროლა, რის შემდეგაც ის მშვიდად ჩაჯდა მანქანაში და წავიდა. კაფედან პირდაპირ აფხაზეთის სახელმწიფო უსაფრთხოების სამსახურში მივიდა და ჩაბარდა.
მძიმედ დაჭრილი ძმები ჯიბები და ლაშა კვიცინია საავადმყოფოში გადაიყვანეს, თუმცა მათი გადარჩენა ვერ მოხერხდა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
