მდინარაძე გახარიას აგენტურის ნაწილს უწოდებს და მის გაპრემიერებას გახარიას "პატრონებთან" გადახდილ ხარკად თვლის
მდინარაძე გახარიაზე
“ქართული ოცნების” აღმასრულებელი მდივანი მამუკა მდინარაძე ყოფილ პრემიერს, გიორგი გახარიას აგენტურის ნაწილს უწოდებს და მის გაპრემიერებას გახარიას “პატრონებთან” გადახდილ ხარკად თვლის. გახარიასა და ოპოზიციის სხვა ლიდერებზე სალაპარაკოდ საპარლამენტო უმრავლესობის ლიდერმა მამუკა მდინარაძემ პარტიაში სპეციალური ბრიფინგი გამართა.
“რასაც ახლა მამუკა მდინარაძე უბრალოდ ბოდავს, რჩება მამუკა მდინარაძის ბოდვად – ძალიან სახიფათო ველზე შედიან”, – ასე გამოეხმაურა გიორგი გახარია მდინარაძის ბრიფინგს. მისივე თქმით, ის ისტერიკა, რომელიც „ოცნებას“ სჭირს, პირდაპირ მიუთითებს პარტიის „გახარია საქართველოსთვის“ მზარდ მხარდაჭერაზე და მათ თავისუფალ ვარდნაში მყოფ მხარდაჭერაზე.
“მე უკვე ვიწყებ ფიქრს იმაზე, ხომ არ მოვიდა დრო, არჩევნების შემდეგ, შეიქმნას საპარლამენტო კომისია, რომელზეც დადგება ყველა ის საკითხი, რომელიც ამათ ჩამოთვალეს. დარწმუნებული ვარ, ამ საპარლამენტო კომისიის ფარგლებში, ძალიან ბევრ საინტერესო რამეს გაიგებს საზოგადოება, ოღონდ არჩევნების შემდეგ. იმიტომ, რომ მე არ ვარ ისეთი მდაბიო, როგორც ზოგიერთი, წინასაარჩევნო ინტერესებში მსგავსი თემები გამოვიყენო. იმიტომ, რომ ამის გარეშეც, მერწმუნეთ, ის ისტერიკა, რომელიც „ოცნებას“ სჭირს პირდაპირ მიუთითებს ჩვენს მზარდ მხარდაჭერაზე და მათ თავისუფალ ვარდნაში მყოფ მხარდაჭერაზე“, – განაცხადა გახარიამ.
რა თქვა მდინარაძემ
„ქართული ოცნების“ ხელისუფლებაში საკვანძო თანამდებობებზე ყოფნის დროს, მან არაერთხელ სცადა და მიზანმიმართულად დააზიანა ხელისუფლების იმიჯი, რაც, ცხადია, ქვეყნის გარედან მიღებული დავალების შესაბამისად გააკეთა.” ამბობს მდინარაძე.
საპარლამენტო უმრავლესობის ლიდერმა გიორგი გახარიას შინაგან საქმეთა მინისტრის თანამდებობაზე მუშაობის დროს ჩატარებული სპეცოპერაციები. მათ შორის, სპეცოპერაცია ღამის კლუბებში, „გავრილოვის ღამე“, ჰესის მშენებლობასთან დაკავშირებით. ამ სპეცოპერაციების გამო მაშინ შინაგან საქმეთა სამინისტრო სამოქალაქო საზოგადოების წარმომადგენლებმა გააკრიტიკეს.
“გახარიასთვის მთავარი დავალება აქაც ხელისუფლების და პოლიციის დისკრედიტაცია იყო, რაც იმ ეტაპზე წარმატებით შეასრულა. თუმცა საზოგადოების კრიტიკის მიუხედავად, გიორგი გახარია ამ სპეცოპერაციების ჩატარების შემდეგ დაწინაურდა და პრემიერმინისტრად დაინიშნა.
ცხადია, ადამიანს გაუჩნდება შეკითხვა – თუ ამ ყველაფერს ერთი კაცი აშავებდა, თუ ასე აზიანებდა სახელმწიფოს, როგორ მოხდა, რომ შინაგან საქმეთა მინისტრობიდან ის პრემიერ-მინისტრად დაწინაურდა? და ალბათ გაგიჩნდებოდათ თქვენ ეს კითხვა. პასუხი არ არის მარტივი ნამდვილად, თუმცა ეს შეგვიძლია მივიჩნიოთ ჩვენი მხრიდან გახარიას პატრონებთან გადახდილ ერთგვარ ხარკად.
შინაგან საქმეთა მინისტრის პრემიერის თანამდებობაზე დაწინაურება, განსაკუთრებით მნიშვნელოვანი იყო „ქართული ოცნების“ გუნდისათვის, რადგან გახარია ჩამოშორდა მაშინ შინაგან საქმეთა მინისტრობას“. – ამბობს მდინარაძე.
