კორონავირუსით ინფიცირებულთა რაოდენობა 54-მდე გაიზარდა

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული კიდევ ორი პაციენტი გამოჯანმრთელდა.

ერთ-ერთმა მათგანმა ინფექციური საავადმყოფო გუშინ დატოვა, ერთი კი დღეს გაეწერება.

„3 პაციენტი გამოჯანმრთელდა და სამმა პაციენტმა დატოვა ჩვენი ცენტრი“, – განაცხადა ეზუგბაიამ.

22 მარტის მდგომარეობით, საქართველოში კორონავირუსით ინფიცირების 54 შემთხვევაა დადასტურებული. კარანტინის რეჟიმშია 1966 ადამიანი, ხოლო სტაციონარში მეთვალყურეობის ქვეშ – 259. 

54 პაციენტიდან 3 გამოჯანმრთელდა.

კორონავირუსის პანდემიის გავრცელების შეჩერების მიზნით საქართვლოში 21 მარტიდან 21 აპრილის ჩათვლით საგანგებო ვითარება გამოცხადდა.