კორონავირუსი საქართველოში: 1351 ახალი შემთხვევა და 14 გარდაცვილილი

საქართველოში ბოლო 24 საათში, კორონავირუსის 1351 ახალი შემთხვევა დაფიქსირდა. 14 პაციენტი გარდაიცვალა. გარდაცვილთაგან ერთი 30 წლამდე ასაკისაა.

გამოჯანმრთელდა 337 პაციენტი.

სულ დადასტურებულია 21 208 შემთხვევა
აქედან:
გარდაცვლილი –  172
აქტიური შემთხვევა (ანუ ახლა არიან ავად) – 12033
გამოჯანმრთელებული – 9003

კორონავირუსის გავრცელების გეოგრაფია ასეთია:

თბილისში დაფიქსირდა 445 შემთხვევა,

აჭარაში – 369;

იმერეთში -295;

ქვემო ქართლში-76;

სამეგრელო – ზემო სვანეთში – 66;

მცხეთა- მთიანეთში -23;

შიდა ქართლში-23;

კახეთში -20;

სამცხე ჯავახეთში-18

გურიაში-15;

რაჭა ლეჩხუმი და ქვემო სვანეთში-1.

საკოოორდინაციო საბჭოს კომენტარები/გადაწყვეტილებები

● “შფოთვის საფუძველი ნამდვილად არ არის – თუ აპოკალიფსი იქნება, ამის შესახებ გამოვალთ და ამ ტრიბუნიდან ვიტყვით” – თქვა მთავრობის ადმინისტრაციის ხელმძღვანელმა ნათია მეზვრიშვილმა საკოორდინაციო საბჭოს სხდომის დასრულების შემდეგ.

● ჯანდაცვის მინისტრის, ეკატერინე ტიკარაძის თქმით, ქვეყანაში საწოლების დეფიციტი არ არსებობს. ტიკარაძე ამბობს, რომ დღეის მდგომარეობით ქვეყანაში 4392 საწოლია მობილიზებული და ეტაპობრივად ხდება დამატებითი კლინიკების ჩართვა – “უახლოეს დღეებში თბილისში კოვიდკლინიკებს კიდევ 4 კლინიკა დაემატება. შიდა ქართლში უკვე დღეიდან ჩაერთვება 3 კლინიკა იმერეთის რეგიონში ასევე 3, აქედან ორი ქუთაისშია” – ამბობს ტიკარაძე.

● საქართველოში “ცხელების ცენტრებში” დღეიდან სწრაფი ტესტებით შეამოწმებენ პაციენტებს. “საკმაოდ დაიხვეწა ანტიგენზე დამყარებული სწრაფი ტესტები მსოფლიოში… როდესაც შედის მოქალაქე ცხელების ცენტრში სასწრაფოთი ან თვითდინებით, ის 15-20 წუთში იძლევა პასუხს. დიდი ალბათობით, თუ ის დადებითია, ნიშნავს, რომ კოვიდია, თუ არ არის – არ არის”, – ამბობს დაავადებათა კონტროლის ცენტრის ხელმძღვანელი ამირან გამყრელიძე.