ჰელსინკის კომისიამ MEGOBARI აქტის ძირითადი დებულებები გამოაქვეყნა
ჰელსინკის კომისიამ MEGOBARI აქტი გამოაქვეყნა
აშშ-ს ჰელსინკის კომისიამ გამოაქვეყნა MEGOBARI Act-ის კანონპროექტი.
ანტიდემოკრატიულ კურსზე უარის თქმის შემთხვევაში, აშშ საქართველოსთვის მნიშვნელოვანი სამხედრო, სავაჭრო პაკეტის გადაცემასა და სავიზო რეჟიმის ლიბერალიზაციას განიხილავს. ამის შესახებ ნათქვამია ამერიკელი კონგრესმენის, ჯო უილსონის მიერ შემუშავებულ კანონპროექტში.
კანონპროექტის სახელია MEGOBARI (Mobilizing and Enhancing Georgia’s Options for Building Accountability, Resilience, and Independence Act – საქართველოში ანგარიშვალდებულების, სიმტკიცისა და დამოუკიდებლობის აშენების მიზნით შესაძლებლობების მობილიზაციისა და გაფართოების აქტი).
MEGOBARI Act-ის მთავარი დებულებები:
დემოკრატიისა და კანონის უზენაესობის მხარდაჭერა: აქტი აცხადებს აშშ-ს პოლიტიკას საქართველოში დემოკრატიული ღირებულებების, ადამიანის უფლებებისა და კანონის უზენაესობის დასაცავად.
ეხმაურება დემოკრატიულ უკუსვლას: საქართველოში ბოლო პერიოდის დემოკრატიული უკუსვლის პასუხად აქტი აკეთებს მოწოდებას გაიზარდოს საქართველოს ხელისუფლების ქმედებებისა და მათი რუსეთთან და ავტორიტარულ რეჟიმებთან კავშირის კონტროლი.
ანგარიშების მომზადება და სანქციები: აქტი იძლევა [დამნაშავეთა] პასუხისგებაში მიცემისთვის რამდენიმე ანგარიშის შემუშავებას: რუსეთის ინტერესებისა და სანქციების არიდების მხარდასაჭერად არასათანადო გავლენებისა და სანქციების არიდების კორუფციული პრაქტიკის ცნობებთან დაკავშირებით; რუსეთის დაზვერვის ხელჩასაჭიდებზე: საქართველოში რუსული დაზვერვის შეღწევისა და ჩინეთის პოტენციური თანამშრომლობის შეფასებაზე; ქართველი პირების სანქცირებაზე: საქართველოში დემოკრატიისთვის ძირის გამომთხრელი პირების დადგენასა და მათთვის სანქციებისა და მოგზაურობის შეზღუდვების დაწესებაზე.
დემოკრატიის მონიტორინგის სამუშაო ჯგუფის შექმნა: სამუშაო ჯგუფი შეიქმნება საქართველოში დემოკრატიული გარემოს მონიტორინგისთვისა და წახალისებისთვის, განსაკუთრებით სამართლიანი და თავისუფალი არჩევნების უზრუნველსაყოფად.
ორმხრივი ურთიერთობებისა და მხარდაჭერის გაძლიერება: საქართველოში მნიშვნელოვანი დემოკრატიული პროგრესის შემდეგ აქტი ხაზს უსვამს აშშ-ს მეტ მხარდაჭერას.
“MEGOBARI ქართულად მეგობარს ნიშნავს. მოხარული ვარ, რომ შემოგვიერთდნენ კონგრესმენი სტივ კოენი, რიჩარდ ჰიუდსონი და მარკ ვისი ჩვენი მეგობრების, იმ ქართველების გვერდით დგომაში, რომლევი გმირულად მუშაობენ საქართველოს თავისუფლებისა და ნათელი მომავლის უზრუნველსაყოფად.” – გამოეხმაურა ჰელსინკის კომისიის მიერ გამოქვეყნებულ პოსტს აქტის ავტორი, კონგრესმენი ჯო უილსონი.
