ირაკლი კობახიძე ამბობს, რომ სანქცირებულ შსს-ს მაღალჩინოსნებს ღირსების ორდენებს გადასცემენ

ღირსების ორდენები შშს-ს მაღალჩინოსნებს

“ქართული ოცნების” პრემიერმინისტრის, ირაკლი კობახიძის თქმით, მიხეილ ყაველაშვილის ინაუგურაციის შემდეგ, შინაგან საქმეთა სამინისტროს თანამდებობის პირებს ღირსების ორდენს გადასცემენ. მათ შორის არიან, სანქცირებული ვახტანგ გომელაური, ზვიად ხარაზიშვილი (“ხარება”) და მილერი ლაგაზაური. ამის შესახებ მან გამართულ ბრიფინგზე ისაუბრა.

“ჩვენ მივიღეთ გადაწყვეტილება ინაუგურაციის შემდეგ ღირსების ორდენზე წარვადგინოთ შინაგან საქმეთა სამინისტროს ხელმძღვანელი თანამდებობის პირები.

1. ვახტანგ გომელაური (შინაგან საქმეთა მინისტრი; ვიცეპრემიერი);
2. შალვა ბედოიძე (შინაგან საქმეთა მინისტრის პირველი მოადგილე);
3. ალექსანდრე დარახველიძე (შინაგან საქმეთა მინისტრის მოადგილე);
4. გიორგი ბუთხუზი (შინაგან საქმეთა მინისტრის მოადგილე);
5. იოსებ ჭელიძე (შინაგან საქმეთა მინისტრის მოადგილე);
6. თეიმურაზ კუპატაძე (შინაგან საქმეთა სამინისტროს ცენტრალური კრიმინალური პოლიციის დეპარტამენტის ხელმძღვანელი);
7. ვაჟა სირაძე (შინაგან საქმეთა სამინისტროს საპატრულო პოლიციის დეპარტამენტის დირექტორი);
8. სულხან თამაზაშვილი (თბილისის პოლიციის დეპარტამენტის დირექტორი);
9. ზვიად ხარაზიშვილი (განსაკუთრებულ დავალებათა დეპარტამენტის დირექტორი);
10. მილერი ლაგაზაური (განსაკუთრებულ დავალებათა დეპარტამენტის დირექტორის მოადგილე);
11. მირზა კეზევაძე (განსაკუთრებულ დავალებათა დეპარტამენტის დირექტორის მოადგილე).” – თქვა კობახიძემ.

კობახიძის თქმით, სანქციებიდან გამოწვეული ფინანსური დანაკლისის გამო მოხელეებს სახელმწიფო დანაკარგებს აუნაზღაურებს

აღსანიშნავია ირაკლი კობახიძემ, დიდი ბრიტანეთისა და ამერიკის შეერთებული შტატებისგან სანქცირებული ვახტანგ გომელაური დღეს ვიცე-პრემიერად დანიშნა. ამის შესახებ ინფორმაციას საქართველოს მთავრობა ოფიციალურ გვერდზე ავრცელებს.

დიდი ბრიტანეთის შემდეგ ვახტანგ გომელაური აშშ-მაც დაასანქცირა და მაგნიტსკის სიაში შეიყვანა

მასთან ერთად სანქცირებულია განსაკუთრებულ დავალებათა დეპარტამენტის დირექტორის მოადგილე, მირზა კეზევაძე

გუშინ აშშ-მ საქართველოს შინაგან საქმეთა მინისტრი ვახტანგ გომელაური და გადაუდებელ დავალებათა დეპარტამენტის დირექტორის მოადგილე, მირზა კეზევაძე მაგნიტსკის სიაში შეიყვანა. სახაზინო დეპარტამენტმა გომელაურსა და კეზევაძეს სანქციები მედიის წარმომადგენლების, ოპოზიციისა და დემონსტრანტების მიმართ სასტიკის რეპრესიების გამო დაუწესა. როგორც დეპარტამენტი მიუთითებს, აღნიშნული ქმედება გაერთიანებულ სამეფოსთან იყო შეთანხმებული.

აშშ-ის სახაზინო დეპარტამენტმა გომელაურსა და კეზევაძეს სანქციები მედიის წარმომადგენლების, ოპოზიციისა და დემონსტრანტების მიმართ სასტიკის რეპრესიების გამო დაუწესა. როგორც დეპარტამენტი მიუთითებს, აღნიშნული ქმედება გაერთიანებულ სამეფოსთან იყო შეთანხმებული.

ასევე, დიდი ბრიტანეთისა და ჩრდილოეთ ირლანდიის გაერთიანებულმა სამეფომ, 19 დეკემბერს, ხუთ ქართველ მაღალჩინოსანს სანქციები დაუწესა. დასანქცირებულთა შორის არიან, საქართველოს შინაგან საქმეთა მინისტრი ვახტანგ გომელაური და მისი მოადგილე, განსაკუთრებულ დავალებათა დეპარტამენტის უფროსი “ხარება” და მისი მოადგილე და თბილისის პოლიციის უფროსი.

ბრიტანეთის მთავრობის განმარტებით, ეს ხუთი ქართველი მაღალჩინოსანი პასუხისმგებელია ჟურნალისტებსა და მშვიდობიან მომიტინგეებზე ძალადობრივ თავდასხმებზე.

გუშინვე გავრცელდა ინფორმაცია, რომ აშშ-ის სახელმწიფო დეპარტამენტი სამართალდამცავებსა და მუნიციპალური თანამდებობის პირებს სამოგზაურო შეზღუდვას დაუწესებს.

სანქციები უწესდებათ ძალოვნებს, რომლებიც „მონაწილეობდნენ დემონსტრანტების წინააღმდეგ ძალადობაში“ და „მუნიციპალური ხელისუფლების წარმომადგენლებს, რომლებმაც ბოროტად გამოიყენეს უფლებამოსილება ფუნდამენტური თავისუფლებების შეზღუდვის მიზნით.“