ეროვნული ნაკრები საქართველოშია. შეხვედრა გულშემატკივართან

ეროვნული ნაკრების დახვედრა

ათასობით გულშემატკივარი შეიკრიბა თბილისის ცენტრალურ მოედანზე გერმანიიდან, ევრო-2024დან დაბრუნებული ეროვნული ნაკრების დასახვედრად.

წელს საქართველო დებიუტანტი იყო ევროპის ჩემპიონატზე. ქართველმა ფეხბურთელებმა ევრო 2024-ზე ოთხი მატჩი ითამაშეს და მერვედფინალში გავიდნენ. მსოფლიო პრესამ დადებითად შეაფასა ჯვაროსნების დებიუტი მაღალი დონის ტურნირზე. განსაკუთრებით შოკისმომგვრელი კრიშტიანუ რონალდუს პორტუგალიასტთან მატჩი იყო, რომელიც ქართველმა ფეხბყურთელებმა 2:0 მოიგეს.

ამაღელვებელი დებიუტის შემდეგ ევრო 2024-დან დაბრუნებულ ეროვნულ საფეხბურთო ნაკრებს ათასობით ადამიანი შეხვდა. მათ ოვაციებით და ტაშით ხვდებოდნენ.

ფეხბურთელებმა ჭავჭავაძე-მელიქიშვილი-რუსთაველის გამზირი ღია ავტობუსით გაიარეს. მსვლელობის ბოლოს ისინი მივლენ გულშემატკივრებთან, რომლებიც თავისუფლების მოედანზე იყვნენ შეკრებილები.

პრეზიდენტმა სალომე ზურაბიშვილმა, რომელიც გერმანიაში ქვეყნის ოთხივე მატჩს დაესწრო, თითოეულ მოთამაშეს საქართველოს ერთ-ერთი უმაღლესი სამოქალაქო ჯილდო, ღირსების ორდენი გადასცა.

სიტყვით გამოვიდა პრემიერ-მინისტრი ირაკლი კობახიძეც. მის გამოჩენას ზოგიერთი გულშემატკივარი სტვენით და უკმაყოფილების გამომხატველი შეძახილები შეხვდა. შეგახსენებთ, რომ სულ რაღაც ერთი თვის წინ საქართველოში მრავალათასიანი აქციები მიმდინარეობდა ე.წ. აგენტების კანონის წინააღმდეგ. კანონი ხელისუფლების მიერ იყო ინიციირებული.