დეპუტატების შესახებ, რომლებიც ეწინააღმდეგებოდნენ ბიჭვინთის აგარაკის რუსეთისთვის გადაცემას. მოსაზრება აფხაზეთიდან
აფხაზეთის ხელისუფლების კრიტიკა
26-27 დეკემბრის ღამეს აფხაზეთის პარლამენტმა საგანგებო სხდომაზე რატიფიცირება მოახდინა სკანდალური შეთანხმების, რომლის თანახმადაც ბიჭვინთაში ყოფილი სახელმწიფო აგარაკი რუსეთის საკუთრება გახდა.
აფხაზურმა ოპოზიციამ და სამოქალაქო საზოგადოებამ, რომლებიც არ ეთანხმებიან ამ შეთანხმების პირობებს, მისი რატიფიცირება უკიდურესად უარყოფითად მიიღეს. არასამთავრობო ორგანიზაცია „ჰუმანიტარული პროგრამების ცენტრის“ დირექტორთა საბჭოს წევრი ლიანა კვარჩელია შექმნილ ვითარებას ეხმაურება და პროგნოზებს აკეთებს, თუ რა უსიამოვნო სიურპრიზები შეიძლება გაუკეთოს ხელისუფლებამ აფხაზებს და რა იძლევა ოპტიმიზმის საფუძველს.
ლიანა კვარჩელია:
„კარგი საქმეები ხალხისგან ფარულად არ კეთდება. თუ დეპუტატებმა ისეთი სულსწრაფობა გამოიჩინეს, რომ ღამით ასეთი მასშტაბის გადაწყვეტილება მიიღეს, ეს ნიშნავს, რომ არსებობს პირადი ინტერესი ან ელემენტარული სიმხდალე. მინდა ვთქვა, რომ ვიღაცას აქვს პასუხისმგებლობის გრძნობაც, რასაც, სამწუხაროდ, არ ადასტურებს რაციონალური არგუმენტები გადაწყვეტილების სასარგებლოდ. განა შეიძლება ადამიანმა გულწრფელად დაიჯეროს, რომ სწორად იქცევა?!
პატივისცემა მათ, ვინც გაბედა საერთო ხაზის წინააღმდეგ წასვლა. მაგრამ კატასტროფულად ცოტაა ასეთი ადამიანი, და არა მხოლოდ პარლამენტში. ოპოზიცია არ არსებობს – პანდორას ყუთი გაიხსნა, ხელისუფლებამ აჩვენა თავისი ძალა არა მარტო თავის ხალხს, არამედ მათაც, ვისაც აფხაზური აქტივები გადაეცემა. იანვარში ახალი კანონები წვიმასავით წამოვა: ელექტროენერგიაზე, ბინებზე და, რა თქმა უნდა, უცხოელ აგენტებზე.
ეს უკანასკნელი გავლენას მოახდენს არა მხოლოდ ჩვენს არასამთავრობო ორგანიზაციებზე. კანონი უცხოური აგენტების შესახებ შეეხება ყველას, ვისაც საკუთარი აზრი აქვს. და ის, რომ თვალით არასდროს გინახავთ უცხოური ორგანიზაციები, არ გიშველით. ეს კანონი ახალგაზრდა [საგარეო საქმეთა] მინისტრისთვის „ღირსების“ საქმე გახდა და მას კრემლში შესაფერის სავარძელში ჩაგდებაში უნდა დაეხმაროს – აფხაზური მასშტაბი მისთვის ძალიან მცირეა.
მთელი ამ ჭუჭყისა და ცინიზმის აბსოლუტური დონის ფონზე, არ ვწყვეტ სიხარულს, რომ გვყავს სუფთა, ჭკვიანი, მამაცი ახალგაზრდობა, რომელსაც უყვარს თავისი ქვეყანა!
და ეს არის ერთადერთი იმედი, რომელთანაც მე ვაკავშირებ ჩვენი რესპუბლიკის მომავალს.
ყველას გილოცავთ ახალ წელს!”
- სოხუმი ადგილობრივ არასამთავრობო ორგანიზაციებს „დივერსიულ“ საქმიანობაში და საქართველოს ინტერესების გატარებაში ადანაშაულებს
- რატომ ლანძღავს დასავლეთს ასლან ბჟანია? მოსაზრება
- „აფხაზეთს არ სჭირდება საკავშირო სახელმწიფო რუსეთთან, მას სჭირდება აღიარება“ – დისკუსია, ვიდეო
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
