ჩეხ ტურისტებს, რომლებიც გუდაურში ისვენებდნენ, კორონავირუსი დაუდგინდათ

ჩეხ ტურისტებს, რომლებიც 4-9 მარტს გუდაურში ისვენებდნენ, სამშობლოში დაბრუნების შემდეგ კორონავირუსი დაუდგინდათ.

ინფორმაციას ამის შესახებ დაავადებათა კონტროლის ცენტრის წარმომადგენელი, ანა კასრაძე ავრცელებს.

როგორც კასრაძე სოციალურ ქსელში წერს, ტურისტებმა ეს ინფორმაცია დაავადებათა კონტროლის ცენტრს თვითონ მიაწოდეს.

“ჩეხეთში COVID-19 დაუდასტურდა ჩეხეთის მოქალაქეს, რომელსაც 4-9 მარტს გუდაურში მოგზაურობის ისტორია ჰქონდა. იგი მოგზაურობდა 6-კაციან ტურისტულ ჯგუფთან ერთად.  მათგან კიდევ ერთს, სლოვაკეთის მოქალაქეს, ასევე საკუთარ ქვეყანაში დაუდასტურდა COVID-19.

დადასტურების შემდეგ მათ შეგვატყობინეს ამის შესახებ (რაც მათი მხრიდან შეგნებული საქციელია), რის შემდეგაც დაიწყო იმ ადგილების მოძიება, სადაც ტურისტები იმყოფებოდნენ და ჰქონდათ კონტაქტები. გამომდინარე აქედან, ზოგიერთ დაწესებულებას მიეცა თვითიზოლაციაზე რეკომენდაცია. ინფიცირებული ტურისტები ჩვენ არ გაგვიბრუნებია უკან. საქართველოში მათ არ დადასტურებიათ COVID-19, რადგან მათ სიმპტომების შესახებ არ განუცხადებიათ არავისთვის”,  – წერს ანა კასრაძე.

•დღეიდან საქართველოსა და რუსეთს შორის მოქალაქეთა გადაადგილება ჩერდება

• კორონავირუსი რუსეთში: 59 ინფიცირებული, მაგრამ საეჭვოდ გაზრდილი პნევმონიის რაოდენობა

• 14 მარტიდან საქართველო აზერბაიჯანთან და სომხეთთან მიმოსვლას წყვეტს

• საქართველოს მთავრობა აქვეყნებს კონკრეტულ გეგმას ეკონომიკის გადასარჩენად. რა წერია გეგმაში

• მუშაობა სახლიდან, თვითიზოლაცია, კარანტინი – რა რეკომენდაციებს გასცემს საქართველოს მთავრობა 

• როგორ უნდა დავიცვათ თავი კორონავირუსისგან და რაში მდგომარეობს საფრთხე. კითხვებზე პასუხები 2-წუთიან ვიდეოში

გუდაურში მდებარე რესტორნის  – “მთვრალი ალუბალი” ადმინისტრაციამ გუშინ სოციალურ ქსელში გაავრცელა ინფორმაცია, რომ  რესტორანი დროებით დაიხურა. ინფორმაციაში აღნიშნული, რომ  რესტორნის დახურვის შესახებ გადაწყვეტილება მას შემდეგ მიიღეს, რაც და­ა­ვა­დე­ბა­თა კონ­ტრო­ლის ეროვნული ცენ­ტრი­დან მიიღეს შეტყობინება, რომ 4 მარტს გუ­და­ურ­ში ჩა­სული 6 ჩეხი ტუ­რის­ტიდან 3-ს კო­რო­ნა­ვირუ­სი დაუდგინდა.

“ამ ტუ­რის­ტებ­მა გა­მო­კი­თხვის დროს აღ­ნიშ­ნეს, რომ ყო­ველ­დღე და­დი­ოდ­ნენ რეს­ტო­რან “მთვრალ ალუ­ბალ­ში”. ჩვენ ყვე­ლა­ნი ვართ თვი­თი­ზო­ლა­ცი­ა­ში, რეს­ტო­რა­ნი და­კე­ტი­ლია, 2 ჩვე­ნი თა­ნამ­შრო­მე­ლი მა­ღა­ლი სი­ცხით ელო­დე­ბა კა­ტას­ტრო­ფის ბრი­გა­დას. ვინც ამ დღე­ებ­ში იყა­ვით “მთვრალ ალუ­ბალ­ში”, გთხოვთ, იზ­რუ­ნოთ თქვენს და თქვე­ნი გარ­შე­მომ­ყო­ფე­ბის ჯამ­რთე­ლო­ბა­ზე, გთხოვთ, რომ მი­მარ­თოთ კონ­სულ­ტა­ცი­ის­თვის სა­მე­დი­ცი­ნო და­წე­სე­ბუ­ლე­ბას,” – წერია რესტორნის ადმინისტრაციის განცხადებაში.

16 მარტის მონაცემებით, საქართველოში დადასტურებულია კორონავირუსის 33 შემთხვევა. კარანტინის რეჟიმში იმყოფება 637 ადამიანი, ხოლო სტაციონარში მეთვალყურეობის ქვეშ  – 54.