საქართველოში ბოლო ცხრა თვეში ავტოსაგზაო შემთხვევებს 326 ადამიანი ემსხვერპლა

ბოლო ცხრა თვეში ავტოსაგზაო შემთხვევებს 326 ადამიანი ემსხვერპლა

სტატისტიკის ეროვნული სამსახურის მონაცემებით, 2022 წლის იანვრიდან სექტემბრამდე პერიოდში, საქართველოში ავტოსაგზაო შემთხვევებს 326 ადამიანი ემსხვერპლა, რაც გასული წლის ანალოგიური პერიოდთან შედარებით 7 პროცენტით მეტია.  

საქსტატის მიხედვით, ბოლო 9 თვეში სულ 4 060 ავტოსაგზაო შემთხვევა მოხდა, საიდანაც 139 სიმთვრალით იყო გამოწვეული. ავტოსაგზაო შემთხვევების შედეგად სულ 5 704 ადამიანი დაშავდა.

2022 წლის იანვარში საქართველოში ძალაში შევიდა კანონი, რომელიც მიხედვითაც, გამკაცრდა სასჯელი საგზაო მოძრაობის წესების დარღვევაზე და საგრძნობლად გაიზარდა ფულადი ჯარიმები. ნასვამ მდგომარეობაში მანქანის მართვისას კი (თუკი ეს განმეორებით ხდება) მძღოლს ჯარიმის გარდა, ადმინისტრაციული წესით პატიმრობაც (5-15 დღე) ემუქრება.

 ● საქართველო: გაამართლა თუ არა ავტომანქანების ტექინსპექტირებამ და რა ხარვეზები აქვს მას
● 581. ამდენი ადამიანი დაიღუპა 2016 წელს საქართველოს გზებზე. რა ვქნათ?
● აფხაზეთში ავტოავარიების შედეგად დაღუპულთა რაოდენობის გამოქვეყნება შეწყვიტეს

სტატისტიკის ეროვნული სამსახურის ინფორმაციით, 2020 წელს საქართველოში 4 999 ავტოსაგზაო შემთხვევა მოხდა – ავტოსაგზაო შემთხვევებს 2020 წელს 450 ადამიანი ემსხვერპლა. მათივე ინფორმაციით, 4 999 ავტოსაგზაო შემთხვევიდან 137 სიმთვრალით იყო გამოწვეული.

შინაგან საქმეთა სამინისტროს მონაცემებით, ბოლო 10 წელიწადში ავტოსატრანსპორტო შემთხვევების შედეგად 6 608 ადამიანი გარდაიცვალა და 85 946 ადამიანმა ჯანმრთელობის დაზიანება მიიღო.