"უნდა გადამეხადა 5 000 ბიტკოინი" - ბაჩიაშვილი ივანიშვილის მიერ მისთვის გაგზავნილ წერილს ასაჯაროებს
ბაჩიაშვილი ივანიშვილის წერილს ასაჯაროებს
თბილისის საქალაქო სასამართლოში თანაინვესტირების ფონდის ყოფილი დირექტორის, გიორგი ბაჩიაშვილის პროცესი გაიმართა, რომლის დასრულების შემდეგ, ბაჩიაშვილმა სოციალურ ქსელში ბიძინა ივანიშვილის მიერ მისთვის გაგზავნილ წერილსი გაასაჯაროვა.
ბაჩიაშვილმა ჟურნალისტებთან საუბრისას თქვა, რომ რამდენიმე თვის წინ ბიძინა ივანიშვილის წარმომადგენელმა მას გადასცა ივანიშვილის წერილი, რომლის თანახმადაც, სთავაზობდნენ 5 000 ბიტკოინის გადახდას და ამ თანხის მაშინვე არ გადახდის შემთხვევაში, გაზრდიდნენ ყოველთვიურად 500 ბიტკოინის ოდენობით.
მისივე მტკიცებით, რ2-ის პროცესის დამთავრებამდე ივანიშვილი სწორედ მას სთავაზობდა, რომ ტელევიზია გეფორმებინა.
“მე მაშინ უარი განვაცხადე, რა თქმა უნდა, რადგან ამ უკანონობაში არ მივიღებდი მონაწილეობას და ეს მახსოვს. ესე იგი, მაშინ ბიძინა ივანიშვილმა უკვე იცოდა ის განაჩენი, რომელიც უნდა დამდგარიყო [რუსთავი 2-ის საქმეზე].” – თქვა ბაჩიაშვილმა.
პროკურატურა გიორგი ბაჩიაშვილს ბიძინა ივანიშვილის ფულის მითვისებას ედავება. პროკურატურა გიორგი ბაჩიაშვილს დიდი ოდენობით კრიპტოვალუტის მართლსაწინააღმდეგო მითვისებასა და უკანონო შემოსავლის ლეგალიზაციას ედავება, კერძოდ, ბრალდებაში აღნიშნულია, რომ მან 2015 წლის ზაფხულში, პირადად მობილიზებული და ინვესტორების მიერ გადაცემული თანხებით კრიპტოვალუტა – ბიტკოინის გამომუშავება/მაინინგში ინვესტიცია განახორციელა.
ბაჩიაშვილი წერს, რომ ივანიშვილის მიერ მისთვის გაგზავნილ წერილს ასაჯაროებს
“დღეს გაიმართა ივანიშვილის მიერ დადგმული და მისი მორჩილი პროკურატურის და სასამართლოს შესრულებული სასამართლო სხდომა.
ეს პროცესი არის აბსოლუტური პოლიტიკური ძალაუფლების მქონე ადამიანის მხრიდან ანგარიშსწორების და დიდძალი თანხის გამოძალვის მცდელობა.
ნიშანდობლივია, როდესაც რუსეთის სასარგებლოდ დემოკრატიის უკუსვლისთვის დასანქცირებული ადამიანი, ადამიანის უფლებების დარღვევისთვის სანქცირებული პროკურორის მეშვეობით ასამართლებს ადამიანს კორუფციისათვის დასანქცირებული სასამართლოს პირობებში. ეს არის მაგალითი, თუ როგორი არ უნდა იყოს სამართლებრივი სახელმწიფო.
ქვემოთ მოყვანილია ის წერილი რომელიც ივანიშვილმა გამომიგზავნა. 90’იანებში ამას “კრიმინალური შოჩიკი” ეწოდებოდა.” – წერს გიორგი ბაჩიაშვილი და წერილს ასაჯაროებს.
წერილი
“როგორც მოგეხსენებათ, 2024 წლის 27 მარტს დანიშნულია წინასასამართლო სხდომა, სადაც მათ შორის წყდება არსებითი განხილვისათვის საქმის გადაცემის საკითხი. შესაბამისად, ამ ეტაპამდე, დაზარალებული მხარე თანახმაა, რომ მიიღოს ბრალის დადგენილებაში საბოლოოდ ასახული ბიტკოინების რაოდენობის 60%;
არსებულ შეთავაზებაზე უარის თქმის, პასუხის გაცემის გაჭიანურების შემთხვევაში, შეთავაზების გაკეთებიდან ყოველ მომდევნო თვეს (ამ შემთხვევაში 2024 წლის 1 აპრილიდან), დაზარალებულისათვის გადასაცემი ბიტკოინების რაოდენობა გაიზრდება 5%-ით. მაგალითად, აპრილის თვიდან, ნაცვლად 60 %-ისა მისაღები იქნება ბიტკოინების სრული რაოდენობის მინიმუმ 65%-ის გადაცემა, მაისის თვიდან 70%-ის გადაცემა და ა.შ.
დაზარალებული მხარის პიზიციის აშკარა მართებულობის გათვალისწინებით, ჩვენი ვარაუდით, სასამართლომ წლის ბოლომდე უნდა მოახერხოს საქმის განხილვა და აღნიშნული პერიოდის გასვლისას, შეთავაზების მიუღებლობის შემთხვევაში, ბრალდებულ მხარეს ამოწურული ექნება ყოველგვარი დისკონტის მიღების შესაძლებლობა;
თუკი ბრალდებული მიიჩნევს, რომ იგი მოახერხებს მითვისებული კრიპტოვალუტის რაიმე ფორმით განკარგვას და აღნიშნულით რაიმე სარგებლის მიღებას, მისი აღნიშნული მცდელობა ფუჭი იქნება, ვინაიდან დაზარალებული მხარე გამოიყენებს ყველა არსებულ ბერკეტს აღნიშნულის თავიდან ასაცილებლად;
გთხოვთ, გვაცნობეთ თქვენი პოზიცია წინამდებარე შეთავაზებასთან დაკავშირებით.”
ბიძინა ივანიშვილი კიდევ ერთ შვეიცარიულ ბანკს, Julius Baer-ს უჩივის. ინფორმაციას მისი ადვოკატი, ლაშა კალანდაძე ავრცელებს. განცხადების მიხედვით, ბანკმა აშშ-ის სანქციები ივანიშვილის ოჯახის წევრებსა და მის კომპანიებზეც განავრცო.
კალანდაძის თქმით, Julius Baer არის ბანკი, სადაც Credit Suisse-სთან დავის შემდეგ ივანიშვილმა აქტივების დიდი ნაწილი გადაიტანა.
ბიძინა ივანიშვილსა და Credit Suisse-ს შორის დავის შესახებ წაიკითხეთ აქ.
