აფხაზეთში ყოფილი მთავრობის სახლის სასტუმროდ გადაქცევას აპირებენ
მთავრობის სახლი აფხაზეთში
მოსკოვში აფხაზ სტუდენტებთან შეხვედრაზე აფხაზეთის ე.წ. პრეზიდენტმა ასლან ბჟანიამ განაცხადა, რომ არის ინვესტორი, რომელიც მზად არის ინვესტიცია განახორციელოს სოხუმში ყოფილი მთავრობის სახლის შენობის რეკონსტრუქციაში, რომელიც აფხაზეთის ომის დროს დაიწვა.
დიდი ალბათობით შენობა სასტუმროდ გადაიქცევა, მაგრამ რადგან აფხაზებისთვის ეს შენობა ომში გამარჯვების ერთ-ერთი სიმბოლოა, ოპოზიციამ ეს იდეა მკრეხელურად მიიჩნია.
„შენობა [მთავრობის სახლი] ისევე როგორც მთელი ეს ადგილი აფხაზების სისხლით არის გაჟღენთილი. აქედან გამომდინარე, აქ უნდა განხორციელდეს არა კომერციული პროექტი, რომელიც დივიდენდებს მოუტანს პოლიტიკიდან ცნობილ ბიზნესმენთა წრეს, არამედ სამხედრო ქრონიკებს, ისტორიას, კულტურას, მეცნიერებას, განათლებას, სპორტს, ახალგაზრდულ პოლიტიკას უნდა შეეწყოს ხელი.” – ამბობ რაულ ხაჯინბა.
ცნობილი აფხაზი მომღერალი ჯიმი შუმენია კი სოციალურ ქსელში საკუთარ გვერდზე იმუქრება, რომ სასტუმროს აშენების შემთხვევაში მას დაწვავს.
- აფხაზეთის ომი. როგორ დაიწყო და განვითარდა კონფლიქტი – ქრონოლოგია
- “მამაჩემი არასდროს წამოვა აფხაზეთიდან”- მშობლები ენგურს მიღმა. ვიდეობლოგი
- უაზრო რეკონსტრუქცია თუ ტურიზმის სტიმული? მოსაზრება აფხაზეთის აეროპორტის შესახებ
ზოგიერთი ბლოგერი ცდილობს შეამციროს ვნებების ინტენსივობა და ამტკიცებს, რომ სასტუმროს აშენების იდეას საერთოდ არ აქვს რეალური საფუძველი და უბრალოდ ინფორმაციის ნაგავსაყრელია, რომლის დახმარებითაც ხელისუფლებას სურს ყურადღების გადატანა სხვა, აქტუალური პრობლემებისგან.
ოპოზიციის ამჟამინდელი ლიდერი ადგურ არძინბაც მიიჩნევს, რომ მთავრობის სახლის შენობის კერძო საკუთრებაში გადაცემაზე საუბარი არ შეიძლება. მისი თქმით, შენობის რეკონსტრუქციის პროექტი ჯერ კიდევ 2016 წელს მომზადდა და ამ პროექტში არც ერთი სასტუმრო არ იყო ნაგულისხმევი.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
