აფხაზეთში ვადამდელი საპრეზიდენტო არჩევნების რეფერენდუმი დააანონსეს
აფხაზეთში ოპოზიციურმა ორგანიზაცია “აიაირამ” ხელისუფლებას ვადამდელი საპრეზიდენტო არჩევნების რეფერენდუმის ჩატარებას შესთავაზა. ცენტრალურმა საარჩევნო კომისიამ რეფერენდუმის ჩატარების საინიციატივო ჯგუფი უკვე დაარეგისტრირა – რჩება 10000 ხელმოწერის შეგროვება.
ჯგუფი შედგება 36 ადამიანისგან. თითქმის ყველა მათგანი წარმოადგენს “აიააირას” ორგანიზაციას. მისი ლიდერი, აფხაზეთის გმირი ვიანორ აშბა, გასული წლის ბოლოდან რეგულარულად მოუწოდებდა პრეზიდენტ ასლან ბჟანიას გადამგარიყო ვადაზე ადრე. ამ მოთხოვნის პრეზიდენტისთვის გადასაცემად აშბამ ყველა საშუალება გამოიყენა, დაწყებული წერილობითი მიმართვებითა და ტელევიზიით – დამთავრებული პირად შეხვედრამდე.
თუმცა, ასლან ბჟანიამ, რომელსაც პრეზიდენტობის ვადა 2025 წლის აპრილში ეწურება, უარი თქვა ვადაზე ადრე გადადგომაზე. ახლა ვიანორ აშბა მიზნის მისაღწევად რეფერენდუმს თხოვს.
შემოთავაზებულია რეფერენდუმზე შემდეგი კითხვა: „აუცილებლად მიგაჩნიათ თუ არა აფხაზეთის რესპუბლიკაში ვადამდელი საპრეზიდენტო არჩევნების ჩატარება“.
ორგანიზაცია “აიააირა” 2021 წლის ნოემბერში აფხაზეთის ომის ვეტერანების მიერ შეიქმნა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
