აფხაზეთში ტყის ხანძარი კურორტ გაგრას ემუქრება
აფხაზეთის სხვადასხვა ნაწილში გაჩენილი ძლიერი ტყის ხანძრები განსაკუთრებით გააქტიურდა კურორტ გაგრასთან. ცეცხლი მრავალსართულიანი საცხოვრებელი სახლებიდან და სასტუმროებიდან რამდენიმე ასეულ მეტრში მძვინვარებს.
ხელისუფლება ამტკიცებს, რომ სიტუაციას აკონტროლებს და აუცილებლობის შემთხვევაში, მზად არიან მოსახლეობის ევაკუაციისთვის.
რამდენიმე ჰექტარი ტყის მასივი იწვის ჟოეკვარსკის ხეობაში. შემთხვევის ადგილზე მობილიზებულია მთელი გაგრის რაიონის სახანძრო ბრიგადები, თუმცა, მათ ხელთ არსებული ტექნიკური საშუალებები არ აძლევს ხანძრის კერასთან მიღწევის შესაძლებლობას – ეს არის კლდოვანი მონაკვეთი და ტექნიკას იქ მისვლა არ შეუძლია.
საჭიროა სახანძრო ვერტმფრენი, მაგრამ აფხაზეთის საგანგებო სიტუაციების სამინისტროს ის არ ჰყავს.
ახლა მეხანძრეები დაკავებული არიან იმით, რომ არ მიუშვან ცეცხლი საცხოვრებელ კვარტალებამდე.
ჯერჯერობით უცნობია როგორც ამ ხანძრის, ისე ამავდროულად სხვა რაიონებში გაჩენილი ტყის ხანძრების მიზეზი. საგანგებო სიტუაციების სამინისტრო ვარაუდობს, რომ ყველაფერი მაშინ დაიწყო, როდესაც გლეხებმა გამხმარი ბალახის დაწვა დაიწყეს – ცეცხლი გადავიდა ტყეზე.
სოციალურ ქსელებში ითხოვენ, რომ დახმარებისთვის სასწრაფოდ მიმართონ რუსეთს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
