აფხაზეთში აქციების გამო დაწესებული შესვლის აკრძალვა მოიხსნა
აფხაზეთმა თბილისში საპროტესტო აქციასთან დაკავშირებით დაწესებული გასვლის აკრძალვა გააუქმა. აკრძალვა მხოლოდ სამი დღის განმავლობაში მოქმედებდა.
აფხაზეთის ხელისუფლებას არ სურდა, 9 აპრილს თბილისში დაგეგმილ ქართული ოპოზიციის აქციაში აფხაზეთის გალის რაიონის ეთნიკურ ქართველებს მონაწილეობა მიეღოთ. აფხაზეთის სახელმწიფო უსაფრთხოების სამსახურის ოფიციალური კომენტარიდან ვიგებთ, რომ 2023 წლის 7 აპრილს „დაწესდა შეზღუდვა აფხაზეთის მცხოვრებლების საქართველოში გამგზავრებაზე, რათა შემცირდეს აფხაზეთის მოსახლეობის მონაწილეობა დესტრუქციულ პროცესებში, რომელიც შესაძლოა მეზობელ ქვეყანაში განვითარდეს.”
ბოლო პერიოდში აფხაზეთის ხელისუფლება აქტიურად განიხილავს „მეორე ფრონტის“ გახსნის საფრთხეს და ქართულ-აფხაზური ომის დაწყების ალბათობას. მაგალითად, მარტის ბოლოს, პრეზიდენტმა ასლან ბჟანიამ თქვა, რომ თუკი საქართველოში ხელისუფლება შეიცვლება, მაშინ ძალები, რომლებიც ამჟამინდელ მმართველ პარტიას, „ქართულ ოცნებას“ ჩაანაცვლებენ, აუცილებლად შეეცდებიან აფხაზეთის პრობლემის გადაჭრას სამხედრო გზით.
თუმცა, 9 აპრილის მოსალოდნელი გადატრიალება თბილისში ჩაიშალა და აფხაზეთის ხელისუფლებამ აქციის მეორე დღესვე გააუქმა საქართველოში გამგზავრების აკრძალვა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
