აფხაზეთში აკრძალეს ქუჩაში საცურაო კოსტუმით სიარული. დეტალები და ფოტოები
აფხაზეთში აკრძალულია ქუჩაში საცურაო კოსტუმით სიარული
აფხაზეთში საზოგადოებრივი თავშეყრის ადგილებში საცურაო კოსტუმით გამოჩენა აკრძალეს და დარღვევისთვის სოლიდური ჯარიმაც დაწესდა – 6000 რუბლი [85$]. პარლამენტმა შესაბამისი ცვლილებები შეიტანა ადმინისტრაციულ სამართალდარღვევათა კოდექსშიც იმ იმედით, რომ ამ გზით მიიღებდა კომპრომისს ტურიზმის ინტერესებსა და აფხაზების მორალურ პრინციპებს შორის.
- ტესტი ერთგულებასა და ალკოჰოლზე – როგორ გრძელდება ტურისტული სეზონი აფხაზეთში
- ვიდეოგამოკითხვა აფხაზეთში: რა არის ღირსების კოდექსი „აფსუარა“ და უნდა დაიცვან თუ არა ის?
დაჯარიმდებიან ქუჩებში, მოედნებზე და პარკებში საცურაო კოსტიუმით, საცურაო კალთით ან შიშველი მკერდის გამოჩენისთვის.
„დამსვენებლებისა და ტურისტების დიდი რაოდენობით ყოფნა მნიშვნელოვნად ავსებს ჩვენს ბიუჯეტს, მაგრამ არ უნდა დავივიწყოთ ჩვენი ეროვნული მენტალიტეტი. ბევრს მიაჩნია, რომ თუ ისინი კურორტზე არიან, მაშინ არ არის აუცილებელი მათ საკუთარ გარეგნობას ყურადღება მიაქციონ და თავს უფლებას აძლევენ საცურაო კოსტიუმებით იარონ არა მხოლოდ პლაჟებზე ან ცურვისთვის განკუთვნილ ადგილებში, არამედ საზოგადოებრივ ადგილებშიც. ეს ყველაფერი იწვევს არა მხოლოდ უფროსი თაობის, არამედ ახალგაზრდების აღშფოთებას, რადგან ჩვენი საზოგადოებისთვის ეს მიუღებელია“, – ნათქვამია კანონპროექტის განმარტებით ბარათში.
თუმცა, აკრძალვა ეხება არა მხოლოდ ტურისტებს, არამედ ადგილობრივ მოსახლეობასაც.
იმისთვის, რომ აფხაზეთის ქალაქებს ჰქონდეთ დრო, მოამზადონ საინფორმაციო სტენდები, რომლებიც აფრთხილებენ ტურისტებს ქცევის ახალი წესების შესახებ, კანონი პირველი აგვისტოდან ამოქმედდება.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
