აფეთქება ვლადიკავკაზის სავაჭრო ცენტრში: დაიღუპა ერთი ადამიანი. სავარაუდო მიზეზი დრონებით თავდასხმაა

25 დეკემბერს გამთენიისას, ჩრდილოეთ ოსეთის დედაქალაქ ვლადიკავკაზის სავაჭრო ცენტრ Alania Mall-ში აფეთქება მოხდა, რის შედეგადაც ერთი ადამიანი დაიღუპა. ოფიციალური ვერსიით, აფეთქების მიზეზი უკრაინიდან გაშვებული დრონის ნამსხვრევების ჩამოვარდნა გახდა.

აფეთქება სავაჭრო ცენტრის გახსნამდე მოხდა, როცა ხალხმრავლობა არ იყო, მაგრამ სავაჭრო ცენტრის თანამშრომელმა იდა ჩავაევამ და კიდევ ორმა ადამიანმა მსუბუქი დაზიანებები მიიღეს.

ჟენევის დისკუსიები: მოსკოვი თბილისს ოკუპირებული ტერიტორიების რეჟიმებთან საზღვრების "დელიმიტაციისკენ" მოუწოდებს

“აღნიშნული ამოცანების აქტუალურობა განპირობებულია ოფიციალური თბილისის აღიარებით”

თავდაპირველად გავრცელდა ვერსია, რომ აფეთქების მიზეზი გაზის გაჟონვა გახდა, თუმცა გაზის კომპანიის მთავარმა ინჟინერმა ბატრაზ კოძაევმა უარყო ეს ინფორმაცია და განაცხადა, რომ სავაჭრო ცენტრის შენობა არ იყო გაზიფიცირებული და გაზის გაჟონვის თეორიულმა გაჟინვამ არ შეიძლება გამოიწვიოს ასეთი მასშტაბური აფეთქება.

მოგვიანებით ჩრდილოეთ ოსეთის ხელმძღვანელმა სერგეი მენიაილომ დღევანდელ ვითარებაზე განაცხადა:

ტერიტორია შემოსაზღვრულია. ადგილზე საგამოძიებო ჯგუფი მუშაობს. ხანძრის ლოკალიზება მიმდინარეობს. მძიმე დაკვამლიანებაა.

ჩრდილოეთ ოსეთის პარლამენტის სპიკერმა, თაიმურაზ ტუსკაევმა კი აღნიშნა, რომ აფეთქება უკრაინულმა დრონმა გამოიწვია.

რუსეთის თავდაცვის სამინისტროს ცნობით, იმავე დილით უპილოტო თვითმფრინავებმა ასევე შეუტიეს ჩრდილოეთ ოსეთის მეზობელ რეგიონებს – ჩეჩნეთსა და ინგუშეთს.

ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო