კორონავირუსის გამო უკრაინამ ყველა უცხოელისთვის საზღვარი ჩაკეტა

მისი თქმით, საგარეო საქმეთა სამინისტრო გააფრთხილებს ყველა დაწესებულებასა და ქვეყანას იმის შესახებ, რომ უკრაინა საზღვარს უცხო ქვეყნის მოქალაქეებისთვის დახურავს .

”ორ კვირაში, იმისდა მიხედვით, თუ როგორ განვითარდება სიტუაცია, შემდგომ გადაწყვეტილებებს მივიღებთ,” – თქვა დანილოვმა.

ამავე დროს, უკრაინის მოქალაქეებს მოუწოდებენ, საზღვარგარეთ გამგზავრება გადადონ, თუ ამის შესაძლებლობა არსებობს.

”უკრაინის ყველა მოქალაქე, რომელიც ახლა საზღვარგარეთ იმყოფება, შეძლებს ქვეყანაში დაბრუნებას. მაგრამ (ადამიანები, რომლებიც ბრუნდებიან) იმ ქვეყნებიდან, სადაც დღეს კორონავირუსი მძვინვარებს, გარკვეული დაკვირვების პროცედურები გაივლიან, ”- თქვა დანილოვმა.

დღეს უკრაინაში კორონავირუსისგან გარდაცვალების პირველი შემთხვევა დაფიქსირდა – გარდაიცვალა ჟიტომირის ოლქში მცხოვრები 71 წლის ქალი, რომელსაც ვირუსი 12 მარტს აღმოუჩინეს. მედიის ცნობით, ის ცოტა ხნის წინ პოლონეთიდან დაბრუნდა.

გარდა ამისა, უკრაინაში კორონავირუსის კიდევ ორი შემთხვევა აღმოაჩინეს – ის აღმოაჩნდა 64 წლის მამაკაცს, რომლის მეუღლე ბოლო 14 დღის განმავლობაში იტალიაში იმყოფებოდა, ასევე მამაკაცს, რომელიც მეუღლესთან ერთად იტალიიდან დაბრუნდა.