უნდა ჰქონდეს თუ არა სახელმწიფოს პოლიტიკური პარტიების აკრძალვის უფლება- ქუჩის გამოკითხვა. ვიდეო
პოლიტიკური პარტიების აკრძალვა
ორი დღეა, საქართველოს საკონსტიტუციო სასამართლო, ხუთი ოპოზიციური პარტიის აკრძალვის საქმეს განიხილავს. პარტიების აკრძალვა “ქართული ოცნების” ინიციატივაა. ეს პარტიები არაკონსტიტუციურად უნდა გამოცხადდნენ.
საკონსტიტუციო სარჩელს პარლამენტის 88 დეპუტატის ხელმოწერა აქვს. ეს დეპუტატები მიიჩნევენ, რომ ამ პარტიებმა დაარღვიეს კონსტიტუციის 23-ე მუხლი – კონსტიტუციური წყობილების დამხობა ან ძალადობით შეცვლა.
ოპოზიციური პარტიების არაკონსტიტუციურად გამოცხადება რიგითი საკონსტიტუციო სარჩელი არ არის. ამ საქმის დასრულებზე იქნება დამოკიდებული, საბოლოოდ როგორ ქვეყნად ჩამოყალიბდება საქართველო. ამიტომ, ეს რეზონანსული საქმეა. მის მიმართ დიდი ყურადღებაა.
JAMnews-მა თბილისის ქუჩებში ადამიანებს ჰკითხა, უნდა ჰქონდეს თუ არა სახელმწიფოს პოლიტიკური პარტიების აკრძალვის უფლება? რა შემთხვევაშია ეს დასაშვები.
გამოკითხულთა უმრავლესობა ამბობს, რომ პოლიტიკური პარტიების აკრძალვა, დემოკრატიაზე პრეტენზიის მქონე ქვეყნისთვის, მიუღებელია. ისინი საუბრობენ მრავალპარტიული სისტემის მნიშვნელობაზე, ხალხის არჩევანის უფლებაზე. ბევრს ეს აგონებს სვლას დიქტატურისკენ. ამ კითხვაზე ახსენდებათ ჩრდილოელი მეზობელი რუსეთი, ჩრდილოეთ კორეა, საბჭოთა კავშირიც კი.
ერთმა ადამიანმა გაიმეორა ის, რაც ქართულ პროპაგანდისტულ არხებზე ისმის. თითქოს პარტიები პარლამენტის გადაწვას ცდილობდნენ საპროტესტო აქციების დროს. ქვეყანაში გადატრიალება უნდოდათ. ამიტომ, ისინი უნდა აიკრძალოს.
ერთმა კი გვიპასუხა, რომ პარტიების აკრძალვა შეიძლება იყოს განხილვის საგანი, თუმცა, იმ შემთხვევაში, თუ პროცესი სამართლიანი და გამჭვირვალე იქნება.
ბევრმა ადამიანმა პასუხის გაცემისგან თავი შეიკავა. ბევრმა კამერისგან გაქცევა სცადა. ხალხი, ქუჩაში, პოლიტიკური შინაარსის კითხვებს, უმეტესად, გაურბის. ეს ამ ვიდეო გამოკითხვაშიც სჩანს.
პოლიტიკური პარტიების აკრძალვა
