აშშ-მა საქართველოს მოქალაქეებისთვის 10-წლიანი ვიზები გააუქმა და 15 000-დოლარიანი გარანტია დააწესა

აშშ-ს ვიზები

დღეიდან, 2026 წლის 2 აპრილიდან, საქართველოს მოქალაქეებისთვის ამერიკის შეერთებული შტატების ვიზების გაცემის წესი მნიშვნელოვნად შეიცვალა. სახელმწიფო დეპარტამენტმა საქართველო იმ 50 ქვეყნის სიაში შეიყვანა, რომლებზეც “სავიზო საგარანტიო საპილოტე პროგრამა“ ვრცელდება. ეს ნიშნავს, რომ წლების განმავლობაში დამკვიდრებული პრაქტიკა, რომელიც მრავალჯერადი, ხანგრძლივი მოქმედების ვიზების გაცემას გულისხმობდა, ფაქტობრივად გაუქმდა.

საქართველო გახდა ერთადერთი ევროპული ქვეყენაა, რომელსაც აშშ-მა სამოგზაურო ვიზებისთვის $15 000-მდე დეპოზიტის გადახდა დაუწესა

ახალი რეგულაცია ძალაში მიმდინარე წლის 2 აპრილიდან შევა და შეეხება სამოგზაურო ვიზებსაც

ახალი წესების მიხედვით, საქართველოს მოქალაქეები ტურისტულ და ბიზნეს (B1/B2) ვიზებს ვეღარ მიიღებენ 10-წლიანი ვადით. ამის ნაცვლად, ვიზა გაიცემა მხოლოდ ერთჯერადად, სამი თვის ვალიდობით და ქვეყანაში მაქსიმუმ 30 დღით დარჩენის უფლებით – მკაცრად განსაზღვრული პირობებით, რომლებიც მნიშვნელოვნად ზღუდავს გადაადგილების მოქნილობას.

რეფორმის კიდევ ერთი ცენტრალური ელემენტია ფინანსური გარანტიის, ე.წ. ბონდის მოთხოვნა. საკონსულო ოფიცერს ეძლევა უფლებამოსილება, ინტერვიუს დროს განსაზღვროს თანხის ოდენობა – 5 000, 10 000 ან 15 000 აშშ დოლარი – რომელიც აპლიკანტმა უნდა განათავსოს, როგორც გარანტია, რომ იგი ვიზის პირობებს არ დაარღვევს.

ვაშინგტონი ამ ნაბიჯს ამართლებს პრაქტიკული გათვლებით: პროგრამის მიზანია ვიზიტორების დროული დაბრუნების უზრუნველყოფა. გადაწყვეტილება ეფუძნება შიდა უსაფრთხოების დეპარტამენტის 2024 წლის ანგარიშს, რომლის მიხედვითაც საქართველოს მოქალაქეებში ვიზის ვადის გადაცილების მაჩვენებელი 7.43%-ს შეადგენდა. სავარაუდოდ, სწორედ ამ სტატისტიკამ იქონია გავლენა საქართველოსთან პოლიტიკის გადახედვაზე.

სენატორები და კონგრესმენები ვაშინგტონს მოუწოდებენ, გამოიყენოს სანქციები "ქართული ოცნების" მიმართ

კანონმდებლების ერთობლივ განცხადებაში ხაზგასმულია ეუთოს “მოსკოვის მექანიზმის“ ანგარიშის დასკვნები

მოქალაქეებმა ფინანსური გარანტიის წარდგენის პროცედურა მხოლოდ საკონსულო ოფიცრის მითითების შემდეგ უნდა დაიწყონ:

• აპლიკანტმა უნდა შეავსოს შიდა უსაფრთხოების დეპარტამენტის I-352 ფორმა.
• თანხის გადახდა ხდება მხოლოდ სახაზინო დეპარტამენტის პლატფორმის (Pay.gov) მეშვეობით.
• თანხის გადახდა არ ნიშნავს ვიზის გაცემის გარანტიას. ოფიცრის მითითების გარეშე გადახდილი თანხა უკან არ ბრუნდება.

დეპოზიტი მფლობელს უკან დაუბრუნდება (პროცენტის გარეშე), თუ:

• პირი აშშ-ს დატოვებს ნებადართული ვადის ამოწურვამდე;
• საერთოდ არ გაემგზავრება აშშ-ში ვიზის ვადის გასვლამდე;
• საზღვარზე ქვეყანაში შესვლაზე უარს ეტყვიან.

დაბრუნების პროცესი, წესით, ავტომატურია, თუმცა მოგზაურს შეუძლია თავადაც დაიწყოს პროცედურა აშშ-ის დატოვებიდან 30 დღის განმავლობაში. ამისთვის საჭიროა შესაბამისი მტკიცებულებების წარდგენა: ჩასხდომის ბარათები, პასპორტის შტამპები ან სხვა დოკუმენტები, რომლებიც ადასტურებს, რომ ქვეყანას დროულად დატოვა.

თანხა სახელმწიფოს საკუთრებაში დარჩება, თუ პირი:

• აშშ-ს დატოვებს დადგენილი ვადის გასვლის შემდეგ;
• დარჩება აშშ-ში უვადოდ;
• ითხოვს სტატუსის შეცვლას, მათ შორის თავშესაფარს.

ამიერიდან სახელმწიფო გადაწყვეტს, დასაქმდება თუ არა საქართველოში უცხო ქვეყნის მოქალაქე. რა შეიცვალა – დეტალური გზამკვლევი

ამ სტატიაში იპოვით პასუხს ყველა კითხვაზე – რა უნდა გააკეთონ უცხო ქვეყნის მოქალაქეებმა იმისათვის, რომ საქართველოში სამსახური დაიწყონ

საპილოტე პროგრამა სახელმწიფო დეპარტამენტმა 2025 წლის 5 აგვისტოს აამოქმედა, ხოლო 18 მარტს სიას კიდევ 11 ქვეყანა დაემატა, მათ შორის მონღოლეთი, ტუნისი და ნიკარაგუა. მანამდე პროგრამა 38 ქვეყანაზე ვრცელდებოდა.

შეზღუდვა ძალაშია 2026 წლის 5 აგვისტომდე. პროგრამის მოქმედების პერიოდში საგარანტიო თანხის გადახდისგან გათავისუფლების მექანიზმი არ იმოქმედებს.