სტივენ დაუთი: კვლავ მოვუწოდებთ რუსეთს გაიყვანოს ძალები საქართველოს ოკუპირებული ტერიტორიებიდან
საქართველოს ოკუპირებული ტერიტორიები
გაერთიანებული სამეფოს სახელმწიფო მინისტრმა, სტივენ დაუთიმ რუსეთს კიდევ ერთხელ მოუწოდა, პატივი სცეს ეუთოს წინაშე აღებულ ვალდებულებებს და გაიყვანოს ძალები საქართველოდან, კერძოდ ოკუპირებული აფხაზეთიდან და სამხრეთ ოსეთიდან. ამის შესახებ მან ეუთოს 2025 წლის მინისტერიალზე ისაუბრა.
“მოსკოვის ქმედებები აშკარა საფრთხეს უქმნის მშვიდობასა და უსაფრთხოებას მთელ ევროპაში და მის ფარგლებს გარეთაც – კრიტიკულ ინფრასტრუქტურაზე კიბერ-შეტევებიდან, ამ მაგიდასთან შეკრებილი ქვეყნების საჰაერო სივრცეში შეჭრამდე, ასევე, მის საზღვრებს გარეთ ტერიტორიების ოკუპაციის გაგრძელებამდე. რა თქმა უნდა, ამას შედეგები აქვს არა მხოლოდ ევროატლანტიკური უსაფრთხოებისთვის, არამედ გლობალური უსაფრთხოებისთვისაც.
მოვუწოდებთ რუსეთს, შეასრულოს ეუთოს წინაშე ნაკისრი ვალდებულებები და გაიყვანოს ძალები საქართველოს ტერიტორიებიდან, აფხაზეთიდან და სამხრეთ ოსეთიდან, მოლდოვაში დნესტრისპირეთიდან, საერთაშორისო სამართლის სრული დაცვით. მიუხედავად იმისა, რომ რუსეთს პასუხისმგებლობას ვაკისრებთ, რა თქმა უნდა, მშვიდობის უზრუნველყოფის მცდელობები გრძელდება.
პუტინმა არაერთხელ დაარღვია თავისი სიტყვა და ჯერ კიდევ არ ჩანს არანაირი ნიშანი იმისა, რომ ის მზად არის მოლაპარაკებებისთვის. ამიტომ, რაც არ უნდა მოხდეს მომდევნო დღეებში, ჩვენ მომავალზე უნდა გავამახვილოთ ყურადღება – და ეს მომავალი არის ძლიერი, მშვიდობიანი და აყვავებული უკრაინა. და ეუთო მზად უნდა იყოს, დაეხმაროს მას აღდგენასა და აღდგენაში.” – თქვა დაუთიმ.
