Bloomberg: ჩინურმა ნავთობგადამამუშავებელმა ქარხნებმა უარი თქვეს რუსული ნავთობის თითქმის ნახევრის იმპორტზე აშშ-ის სანქციების გამო

ჩინურმა ნავთობგადამამუშავებელმა ქარხნებმა

Bloomberg-ის ცნობით, ჩინეთის ნავთობგადამამუშავებელი ქარხნები უარს ამბობენ რუს მომწოდებლებთან კონტრაქტებზე, რადგან ეშინიათ შესაძლო დამატებითი სანქციების, რაც ლუკოილთან და როსნეფტთან თანამშრომლობის გამო შეიძლება დაუწესდეთ.

ჟურნალისტების თქმით, როგორც სახელმწიფო, ასევე კერძო ჩინური კომპანიები ცდილობენ თავი აარიდონ რუსულ ნავთობს. კერძოდ, ჩინეთის სახელმწიფო კორპორაციებმა Sinopec-მა და PetroChina-მ შეწყვიტეს კონტრაქტები რუს მომწოდებლებთან.

პუტინის ნავთობი და SOCAR-ის ქარხანა: ევროკავშირის სანქციები აზერბაიჯანსაც ეხება

SOCAR-ის STAR ნავთობგადამამუშავებელი ქარხნის მეშვეობით ევროპაში ნავთობის მიწოდების შეჩერება ევროკავშირის მთავარი პრიორიტეტია

საკონსულტაციო ფირმა Rystad Energy AS-ის მონაცემებით, ეს გავლენას ახდენს ჩინეთში რუსული ნავთობის იმპორტის დაახლოებით 45%-ზე. Bloomberg-ის ცნობით, ჩინელი მყიდველების უარი ყველაზე დიდ გავლენას ახდენს ციმბირის ESPO-ს ნედლ ნავთობზე.

15 ოქტომბერს გაერთიანებულმა სამეფომ შეზღუდვები დააწესა ლუკოილსა და როსნეფტზე, ასევე ჩინურ კომპანია Shandong Yulong Petrochemical-ზე. რუსული ნავთობის ჩინელი მყიდველების წინააღმდეგ სანქციები ასევე შედის ევროკავშირის სანქციების მე-19 პაკეტში.

შეერთებულმა შტატებმა ლუკოილი, როსნეფტი და მათი შვილობილი კომპანიები სანქციების სიაში 22 ოქტომბერს დაამატა.

exchange