"როსკომნადზორი" "ჯემნიუსს" აფრთხილებს წაშალოს მასალა უკრაინის ომზე

“როსკომნადზორი” “ჯემნიუსისგან” მასალის წაშლას ითხოვს

რუსეთის კომუნიკაციების მარეგულირებელი ორგანო “როსკომნადზორი” “ჯემნიუსს“ აფრთხილებს წაშალოს ერთ-ერთი მასალა, რომელიც უკრაინაში რუსეთის შეჭრას ეხება.

საუბარია 2022 წლის 6 აპრილს, “ჯემნიუსის” რუსულენოვან ვერსიაში გამოქვეყნებულ სტატიაზე – Война в Украине, главные события за 5 и 6 апреля. ტექსტში მიმოხილულია უკრაინაში ომის მიმდინარეობა 5-6 აპრილს. ომის დაწყების შემდეგ გამოცემა „ჯემნიუსი“ ყოველდღიურად, განახლებად რეჟიმში აშუქებდა რა ხდებოდა უკრაინაში.

წერილში, რომელიც „ჯემნიუსმა” რუსეთის მარეგულირებელი ორგანოსგან 7 სექტემბერს მიიღო, ნათქვამია, რომ გამოცემა კანონს არღვევს.

ელექტრონული წერილის დასაწყისში ნათქვამია, რომ ის გამოგზავნილია  “რუსეთის ფედერაციის გენერალური პროკურორის ან მისი მოადგილის მოთხოვნის საფუძველზე“.

უწყება „როსკომნადზორისგან“ ითხოვს დაუყოვნებლივ აცნობოს გამოცემას, ამ შემთხვევაში “ჯემნიუსს” მასალის წაშლის აუცილებლობაზე.

იქვე ნათქვამია, რომ თუ გამოცემა 24 საათის განმავლობაში მასალას არ წაშლის, რუსეთში მასზე წვდომა დაიბლოკება.

„ჯემნიუსის“ რედაქცია არ აპირებს გამოქვეყნებული ტექსტის წაშლას.

“როსკომნადზორი” “ჯემნიუსისგან” მასალის წაშლას ითხოვს