29 ნოემბრის საპროტესტო აქციის დარბევა. ფოტოები
29 ნოემბრის აქციის დარბევის ფოტოები
“ქართული ოცნების” გადაწყვეტილება ევროინტეგრაციის 2028 წლამდე შეჩერების შესახებ 28-29 ნოემბერს საქართველოს სხვადასხვა ქალაქში გააპროტესტეს. პროტესტს თბილისში მთელი ღამის განმავლობაში სასტიკად არბევდა სპეცრაზმი. მათ აქციის მონაწილეებისა და ჟურნალისტების მიმართ ფიზიკური ძალადობის გარდა, ცრემლსადენი გაზის კაფსულები, წყლის ჭავლი და წიწაკის სპრეი გამოიყენეს.
- სპეცრაზმმა აქცია დაარბია. დაკავებული და ნაცემი არიან ჟურნალისტები, პოლიტიკოსები, რიგითი მომიტინგეები. ფოტოები
- საქართველოში დაიწყო დაუმორჩილებლობა და გაფიცვები. დიპლომატები, უნივერსიტეტები, პროტესტი სკოლებში
დარბევის შედეგად, სასწრაფო სამედიცინო დახმარების ბრიგადებმა, 28-29 ნოემბრის ღამეს, რუსთაველის გამზირზე მიმდინარე საპროტესტო აქციიდან სხვადასხვა სამედიცინო დაწესებულებაში 33 პირი გადაიყვანეს.
როგორც ჯანდაცვის სამინისტრომ “რადიო თავისუფლებას” აცნობა, საავადმყოფოებში გადაყვანილ დაშავებულთაგან 13 აქციის მონაწილეა, 4 – ჟურნალისტი, 16 – შინაგან საქმეთა სამინისტროს თანამშრომელი.
საპროტესტო აქციის დარბევისას საერთო ჯამში 20-ზე მეტი ჟურნალისტი დაშავდა. სპეცრაზმელები მათ გამიზნულად ურტყამდნენ, ასხამდნენ წიწაკის სპრეის, ან წყლის ჭავლს.
