ფილმი ოს მხატვარ ქალზე, რომელიც კონფლიქტის ზონაში, ქართულ სოფელში ცხოვრობს

ეს ფილმი  იმაზეა, თუ როგორ ცხოვრობს ოსი მხატვარი ევა ელიზაროვა-კუდუხაშვილი კონფლიქტის ზონაში, გორის რაიონის ქართულ სოფელში.

რამდენიმე ციტატა ფილმიდან:

“როდესაც ქართველებისა და ოსების დაპირისპირება დაიწყო, ჩემი ძმა ვლადიკავკაზში გაემგზავრა და ჩვენ მას ყველა ღირებული ნივთი გავატანეთ – ავეჯიც კი”.

“მამაჩემის საფლავი საზღვრის იქითა მხარეს [სამხრეთ ოსეთში] დარჩა”.

“სოფელში ქართველები და ოსები ერთად ცხოვრობდნენ, მაგრამ ამჟამად აქ ძალიან ცოტა ოსი დარჩა”.

“ამ ეკლესიაში ხალხი იშვიათად დადის, რადგან ზედ საზღვარზეა და ეშინიათ, რუსებმა არ გაიტაცონ”.

“გადავწყვიტე, შვილები არ გამეჩინა – ჩემი ცხოვრება ფერწერისთვის რომ მიმეძღვნა”.

“ყოველთვის წარმოვიდგენდი ხოლმე, რომ ვიღაც განუწყვეტლივ იღებდა ფილმს ჩემს შესახებ, და ამიტომ, ვცდილობდი, კარგად მოვქცეულიყავი და კარგად მესწავლა”.

“ჩემი ნახატები კოსმოექსპრესიონიზმის ტექნიკით შესრულებული მშვენიერი, ფასადაუდებელი ფერწერის ნიმუშებია. ხატვის ეს სტილი თავად გამოვიგონე”.