ბაქოს სასამართლომ ბლოგერ ლაპშინს თავისუფლების სამი წლით აღკვეთა მიუსაჯა
ბლოგერ ალექსანდრ ლაპშინს აზერბაიჯანში სამი წლით პატიმრობა მიესაჯა, რომელიც მან საერთო რეჟიმის ციხეში უნდა გაატაროს
რუსეთისა და ისრაელის მოქალაქე ალესანდრ ლაპშინზე აზერბაიჯანის მთავრობამ, სახელმწიფო საზღვრის დარღვევის ბრალდების გამო, ძებნა გამოაცხადა. 2016 წლის დეკემბერში ის ბელარუსის სამართალდამცავმა ორგანოებმა მინსკში დააკავეს, 2017 წლის 7 თებერვალს კი მისი აზებაიჯანში ექსტრადირება მოხდა.
რამდენიმეთვიანი გამოძიების შემდეგ ლაპშინს აზერბაიჯანის სახელმწიფო საზღვრის უკანონოდ გადაკვეთის გამო, 318.2 -ე მუხლის მიხედვით, პატიმრობის ვადა მიესაჯა. თავიდან მას წაყენებული ჰქონდა ანტისახელმწიფოებრივი მოწოდებების გავცელების ბრალდებაც, ანუ 281.2-ემუხლი, და ის მისთვის მართლაც რომ მიესადგებინათ – ბლოგერ, სულ მცირე, 6.5 წლით პატიმრობას მიიღებდა. თუმცა, მოსამართლემ ეს ბრალდება დაუსაბუთებლად მიიჩნია.
თავად ლაპშინმა საბოლოო სიტყვაში განაცხადა, რომ აზერბაიჯანელი ხალხისთვის მიყენებული მორალური ზიანის გამო ნანობს და აღნიშნა, რომ მისი დანაშაული “მხოლოდ ზნეობრივი ხასიათისაა და არანაირად არ არის სამართლებრივი”. “მესმის, თუ რამდენად მნიშვნელოვანია აზერბაიჯანისთვის ყარაბაღი, და არც ერთ შემთხვევაში სომხეთის ხელისუფლებასთან დანაშაულებრივ კავშირში არ შევსულვარ”, – განაცხადა ალესანდრ ლაპშინმა.
მან ასევე თქვა, რომ იმედი აქვს, მთიანი ყარაბაღის კონფლიქტი აზერბაიჯანის ტერიტორიული მთლიანობის ფარგლებში დარეგულირდება. “ვწუხვარ ჩადენილის გამო, ვინანიებ, რომ ყარაბაღში გავემგზავრე, და ოკუპაციის სიმძიმის მნახველ მის მაცხოვრებლებს ტანჯვა მივაყენე. ოკუპაციის შესხებ წარმოდგენა არ მქონდა. აქ ყოფნისას კი ჩემს მიმართ მხოლოდ კარგ დამოკიდებულებას ვგრძნობდი”, – გადმოსცემს ლაპშინის სიტყვებს სასამართლოს დარბაზიდან სააგენტო “ინტეფაქს-აზერბაიჯანის” კორესპონდენტი.
მისმა ადვოკატმა ედუარდ ჩერნინმა განაჩენის გამოტანის წინ სიტყვით გამოსვლისას ბლოგერის გამართლება ითხოვა, და მისი დაცვის ქვეშ მყოფისთვის წარდგენილ ბრალდებებს უსაფუძვლო უწოდა, “რადგან ლაპშინი თავისი სტატიებით აზერბაიჯანის ტერიტორიული მთლიანობის დარღვევისკენ არ მოუწოდებდა”. ლაპშინის დაცვას თავის სამომავლო მიზნების შესახებ ჯერჯერობით არაფერი განუცხადებია.
