"ბავშვთა სამყარო" იწვის
ხანძარი ვაგზლის მოედანზე – თითქმის სრულადაა დამწვარი სავაჭრო ცენტრი „ბავშვთა სამყარო“ და მიმდებარე საწყობები.
ადგილზე ათეულობით სახანძრო ბრიგადაა მობილიზებული, თუმცა ხანძრის ლოკალიზება რამდენიმე საათია ვერ ხერხდება.
ხანძარი დილის 3 საათზე გაჩნდა. სესხლი მთელს შენობას მოედო.
დაზარალდა ათეულობით ადამიანი, რომლებიც იქ ვაჭრობდნენ. შემთხვევის შედეგად არავინ დაშავებულა.
ადგილზე შეკრებილები არიან დაზარალებული მოვაჭრეები, რომელთა ნაწილი გადარჩენილი ნივთების მოძიებას ცდილობს.
ჯერ-ჯერობით უცნობია რა გახდა ცეცხლის გაჩენის მიზეზი, ასევე ზარალის ოდენობა. დიდუბის გამგებლის თქმით, ზარალი სავარაუდოდ, საკმაოდ დიდი იქნება.