აზერბაიჯანში მეოთხედ მილიონზე მეტი დაქორწინების მსურველი გამოიკვლიეს: სამედიცინო გამოკვლევის შედეგები
ორი წელიწადი გავიდა, რაც აზერბაიჯანში დაქორწინების მსურველთა სამედიცინო გამოკვლევა აუცილებელი გახდა. ამ დროის განმავლობაში 279 383-მა ადამიანმა გაიარა გამოკვლევა.
მათ შორის 11 773 ადამიანი ტალასემიის მატარებელი აღმოჩნდა, 1 101 – სიფილისით დაავადებული, 203 – შიდსით, -იუწყება საინფორმაციო სააგენტო АПА ჯანდაცვის სამინისტროს პრეს-სამსახურზე დაყრდნობით.
მოქალაქეები ოჯახის შექმნამდე ვალდებულები არიან, საავადმყოფოში ან საცხოვრებელი ადგილის მიხედვით პოლიკლინიკებში ჩაიტარონ გამოკვლევა. კონსულტაციის ან გამოკვლევის ჩატარება უფასოა.
ტალასემია ეს არის სისხლის მძიმე მემკვიდრეობითი დაავადება, რომლებიც შვილებს მშობლებისგან გენეტიკურად გადაეცემათ.
მსოფლიო ჯანდაცვის ორგანიზაციის თანახმად, მსოფლიოში არსებობს ტალასემიის 250 მილიონი მატარებელი და დაახლოებით 300 ათასი ტალასემიით დაავადებული. აზერბაიჯანი ასევე იმ ქვეყნების რიცხვშია, სადაც ტალასემია ფართოდ არის გავრცელებული. რესპუბლიკაში ამ დაავადებით 200-ზე მეტი ბავშვი იბადება.
