Կորոնավիրուս, նորություններ։ Հայաստանում փորձում են համոզել բնակչությանը առանց բժշկի նշանակման չօգտագործել դեքսամեթազոն

Հայաստանում մեկ օրվա ընթացքում արձանագրվել է 551 նոր դեպք և 13 մահ: Ընդհանուր առմամբ, համաճարակի սկզբից ի վեր վարակվել է 19 708 մարդ, նրանցից 332-ը մահացել են, 8 854 մարդ՝ առողջացել:

Հայաստանում դեքսամեթազոն դեղամիջոցի շուրջ բում է սկսվել, շատ մարդիկ ընդունվում են այն առանց բժշկի նշանակման։ Դա սկսվել է այն բանից հետո, երբ հաղորդվել է Մեծ Բրիտանիայում այս դեղամիջոցի նախնական կլինիկական փորձարկումների հաջողության մասին լուրը:

Առողջապահության նախարարությունը հատուկ հայտարարություն է տարածել ինքնաբուժման վտանգների վերաբերյալ.

«Դեքսամեթազոն պարունակող դեղերը գրանցված են որպես դեղատոմսով տրվող դեղեր, ավելին` դրանք ունեն իմունային համակարգն ընկճող ազդեցություն, որի արդյունքում թաքնված վարակները կարող են ակտիվանալ կամ առկա վարակները կարող են սրվել»։

• Ում և ինչ օժանդակություն է տրամադրվում Հայաստանում կորոնավիրուսի տնտեսական հետևանքների հաղթահարման ծրագրերով

Կորոնավիրուսի նոր դեպք է հայտնաբերվել Զուգդիդիում։

Վրաստանում մեկ օրում երկու նոր դեպք է գրանցվել, ընդհանուր առմամբ, համավարակի մեկնարկից ի վեր վարակվել է 895 մարդ։ Նրանցից մահացել է 14–ը, 741–ն ապաքինվել է։

Վրաստանի արևմուտքում՝ Սամեգրելոյի շրջանում նոր բռնկման վտանգ է առաջացել։ 55-ամյա տղամարդը Վրաստան է եկել Ռուսաստանից հունիսի 12–ին Վերին Լարս ցամաքային հսկիչ անցակետով։ Նա կարանտինի մեջ է եղել, սակայն նրան թույլ են տվել մասնակցել եղբոր թաղմանը Զուգդիդի քաղաքում։ Այնտեղ նա ենթադրաբար շփվել է տասնյակ մարդկանց հետ։ Այժմ նրա մոտ կորոնավիրուս է հաստատվել, արդեն մեկուսացվել են նրա ընտանիքի անդամներն ու մի քանի այլ անձինք։

Հայաստանում վարակման 665, մահվան 7 նոր դեպք կա։ Ընդհանուր առմամբ, համավարակի մեկնարկից ի վեր վարակվել է 18 698 մարդ, նրանցից 309–ը մահացել է, 6 560–ն ապաքինվել։
Վարչապետ Նիկոլ Փաշինյան․

«Զանգվածաբար շարունակում ենք դիմակ չկրել: Մի՞թե Քաղաքացու հետ երկխոսությամբ ձևավորված մեր կառավարությունը հարկադրանքի լեզվով պիտի խոսի Քաղաքացու հետ՝ իր իսկ թանկագին առողջությունը պահպանելու նրա պատրաստակամությունը մեծացնելու համար»։

Հայաստանում աշխատում են բոլոր բիզնեսներն ու հանրային տրանսպորտը, սակայն մշտապես և ամենուր պետք է դիմակ կրել։ Ավտոբուսներն ու երթուղայինները պարբերաբար ախտահանվում են։

Հայտարարվել է, որ սահմանները փակ կմնան նվազագույնը մինչև հուլիսի 1–ը։

Ում և ինչ օժանդակություն է տրամադրվում Հայաստանում կորոնավիրուսի տնտեսական հետևանքների հաղթահարման ծրագրերով

Մահացած բուժաշխատողը 70-ամյա բուժքույր է Քվեմո Քարթլի շրջանից։

119 վարաված բուժաշխատողներից 101–ը բժիշկներ են, 18–ը՝ տեխնիկական անձնակազմ։

Մեկ օրում Վրաստանում ինը նոր դեպք է գրանցվել, ընդհանուր առմամբ՝ 888 դեպք կորոնավիրուսի համավարակի մեկնարկից ի վեր։ Նրանցից 731–ն ապաքինվել են, 14–ը մահացել։

• Թբիլիսի․ հին տրանսպորտ նոր կանոններով։ ՏԵՍԱՆՅՈՒԹ

Կալինինգրադում կանգնեցվել է «ՕԿԲ «Ֆակել»» առաջատար ձեռնարկությունը, այնտեղ շարժիչներ են արտադրում տիեզերական թռչող սարքերի համար։ Գործարանում վարակվել է նվազագույնը 82 աշխատակից։

Երրորդ օրն է, ինչ փակ է Սիբիրի Սևերոդվինսկ քաղաքը, այնտեղ կանգնեցվել է երկու խոշոր ռազմական ձեռնարկություն, որտեղ կառուցում են ատոմային ռազմանավեր և սուզանավեր։ Կորոնավիրուսով հիվանդների բուժման համար վերազինվել է շտապօգնության հիվանդանոցի յոթհարկանի մասնաշենքը։

Հունիսի 17–ի դրությամբ Ռուսաստանում վարակման դեպքերի ընդհանուր քանակը կես միլիոնից ավելին է, մահացածներինը՝ 7 478։ Բժիշկներն ու փորձագետները, սակայն, շարունակում են պնդել, որ այդ վիճակագրությունը կեղծված է` իրական պատկերը շատ ավելի տագնապալի է։

• «Ջերմությունս 37,5 է։ Ի՞նչ անել»։ Մոսկվայում կորոնավիրուսից բուժվելու համար փող և կապեր են պետք։ Անձնական պատմություն

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը