Թրամփ-Պուտին առաջին հանդիպումը. նախապատմություն ու կանխատեսումներ

Այսօր Համբուրգում կկայանա նախագահներ Թրամփի և Պուտինի հանդիպումը: Մինչ այս նրանք միայն հեռախոսազրույցներ են ունեցել:

Հանդիպումը կկայանա G20 գագաթնաժողովի կուլիսներում, որը կմիավորի աշխարհի 20 խոշորագույն տնտեսությունների առաջնորդներին:

Թրամփի և Պուտինի հանդիպմանը նախորդող իրավիճակը չափազանց բարդ է: ԱՄՆ-ում միանգամից մի քանի հետաքննություն է անցկացվում ամերիկյան ընտրություններին Ռուսաստանի հնարավոր միջամտության և այդ երկրի հետ Թրամփի շրջապատի հնարավոր կապերի վերաբերյալ:

Պուտինի հետ հանդիպումից մեկ օր առաջ, ելույթ ունենալով Վարշավայում, Թրամփը հայտարարել է, որ Ռուսաստանն Արևելյան Եվրոպայի և ԱՄՆ դաշնակից երկրների համար ապակայունացնող գործոն է:

Ռուսաստանում պետական լրատվամիջոցներում հակաամերիկյան անողոք արշավ է ընթանում: Սակայն քաղաքական գործիչների և դիվանագետների արտահայտություններն ավելի զուսպ բնույթ են կրում: Հանդիպման նախօրեին ռուսական ԱԳՆ-ն հայտարարել է, որ «լիարժեք» հանդիպման և այնպիսի արդիական խնդիրների, ինչպիսին է Սիրիան և Ուկրաինան, քննարկման հույս ունի:

Նախկինում երկու երկրների նախագահներն այսպես են արտահայտվել միմյանց մասին.

Թրամփը՝ Պուտինի մասին

2016թ-ի ապրիլի 28

«Նա ինձ հանճար է անվանել… շատ սիրալիր է նրա կողմից»:

2016թ-ի սեպտեմբերի 7

«Շատ ուժեղ առաջնորդ է… շատ ավելի ուժեղ, քան մեր նախագահը»:

2017թ-ի մարտի 19

«Ես նրան անձամբ չգիտեմ, բայց շատ բարդ տղա է…»

Պուտինը՝ Թրամփի մասին

2015թ-ի դեկտեմբերի 17

«Վառ մարդ է, տաղանդավոր, գտել է դեպի ընտրողների սիրտ տանող ճանապարհը»

2016թ-ի դեկտեմբերի 4

«Նա բիզնեսում հաջողության է հասել, ուրեմն խելացի մարդ է»:

2017թ-ի հունիսի 1

«Նա ավանդական քաղաքական գործիչների թվին չի պատկանում, նա թարմ հայացքներ ունի»:

Հիշեցնենք, որ Համբուրգում համաշխարհային առաջնորդների հանդիպումն անցկացվում է ոստիկանության և գլոբալիզացիայի հակառակորդների փողոցային միջև դաժան բախումների ֆոնին: Հուլիսի 7-ի տվյալներով՝ 70 ոստիկան է տուժել: Ձերբակալված հակագլոբալիստների թիվը դեռևս անհայտ է: