თაკო ჩარკვიანი საბურთალოს მაჟორიტარად იყრის კენჭს

პარტია „კანონი და სამართლის“ დამფუძნებელი,  თაკო ჩარკვიანი საბურთალოს მაჟორიტარად იყრის კენჭს. როგორც ჩარკვიანი ამბობს,  მისი კანდიდატურა გაერთიანებულ ოპოზიციასთან შეთანხმებული არ არის და ის დამოუკიდებელი კანდიდატი იქნება. 

პარტია „კანონი და სამართალი“ კოალიციის – “ძალა ერთობაშია” წევრია, სადაც “ნაციონალური მოძრაობაც” შედის. თაკო ჩარკვიანს იმედი აქვს, რომ “ნაციონალური მოძრაობა” საბურთალოს ოლქში მას დაუჭერს მხარს  და პარტია იქ მაჟორიტარობის საკუთარ კანდიდატს არ დაასახელებს. 

თაკო ჩარკვიანის საარჩევნო კამპანიის დევიზია “არც ერთი ხმა პუტინს!“

• რაზე შეთანხმდნენ 8 მარტს ოპოზიცია და ხელისუფლება. რას ნიშნავს მოდელი 120/30?
• საქართველოში პოლიტიკა ბრუნდება. ისტორიული საარჩევნო შეთანხმება შეიძლება ჩაიშალოს

„გადაწყდა და დიდი ხნის ბჭობის და დიდი სამეგობროს, ასევე ჩემი ძმის მამუკა ჩარკვიანის თხოვნით, ჩემს ოჯახთან კონსულტაციის შედეგად, დედას – ამ ქვეყანაზე უზომოდ შეყვარებული, პატრიოტი ირმა ჩხეიძის, ქვეყნის და ხალხის გულშემატკივრების თხოვნით, გადაწყვეტილება მიღებულია – კენჭს ვიყრი საბურთალოს რაიონის მაჟორიტარად.

დევიზი ასეთია „არც ერთი ხმა პუტინს“! საქართველო კორუფციონერების და 30-წლიანი, თაღლითი, კორუფციაში ჩაფლული, ოკუპანტთან გარიგებული პოლიტიკანების გარეშე, ბიუჯეტის ძარცვით ახალგაზრდების მომავალს და მოხუცების სიბერეს, პენსიას, რომ იპარავენ. მიყვარხართ მე თქვენ, მიყვარს გაწვალებული მტრისგან დაუცველი საქართველო და მხოლოდ ამიტომ მივიღე ეს გადაწყვეტილება“, – წერს თაკო ჩარკვიანი.