სოლოვიოვი: ვესაუბრე საქართველოს პარლამენტის წარმომადგენლებს, NGO-ების მომხრე რუსებს გააძევებენ
სოლოვიოვის განცხადება
რუსმა პროპაგანდისტმა ვლადიმირ სოლოვიოვმა თავისი გადაცემის პირდაპირ ეთერში განაცხადა, რომ საქართველოს პარლამენტის წარმომადგენლებს ქვეყანაში მცხოვრები რუსების საკითხზე ესაუბრა. მისი მტკიცებით, საქართველოში დროებით მცხოვრები რუსების გამოძევებას აპირებენ, რომლებიც რუსული კანონის საპროტესტო აქციებში იღებენ მონაწილეობას.
“საქართველოში დროებით მცხოვრებ რუსებთან პრობლემაა… დღეს ვესაუბრე საქართველოს პარლამენტის წარმომადგენლებს, თქვეს, რომ ქვეყნიდან გამოაძევებდნენ, რადგან აქტიურად გამოდიან NGO-ების მხარეს… ამიტომაც გამოძევებას აპირებენ.” – თქვა სოლოვიოვმა.
ვინ არიან ეს წარმომადგენლები ან ვინ იგულისხმება სოლოვიოვის ნათქვამში, ან როგორ შედგა საუბარი – სოლოვიოვს ამ დეტალებზე არაფერი უთქვამს.
მას შემდეგ, რაც უკრაინაში სრულმასშტაბიანი არაპროვოცირებული ომი დაიწყო საქართველოში რუსეთისა და ბელარუსის მრავალი მოქალაქე შემოვიდა. მათი ნაწილი აქ საცხოვრებლად დარჩა. რუსების მეორე დიდი ნაკადი ქვეყანაში მაშინ ჩამოვიდა, როცა 2022 წლის 21 სექტემბერს პრეზიდენტმა ვლადიმირ პუტინმა რუსეთში ე.წ. ნაწილობრივი მობილიზაცია გამოაცხადა.
