"ევროპის დემოკრატიის ფონდი აფინანსებს ტერორს საქართველოში" - შალვა პაპუაშვილი
შალვა პაპუაშვილის განცხადება
პარტია “ქართული ოცნების” პარლამენტის თავმჯდომარემ, შალვა პაპუაშვილმა განაცხადა, რომ “ევროპის დემოკრატიის ფონდი” აფინანსებს ტერორს საქართველოში.
რა თქვა შალვა პაპუაშვილმა
“აი, ამდენ თავის ტკივილს, რასაც ახლა იჩენს ევროკომისია თავისთვის და ჩვენთვის, ამდენ თავის ტკივილს ხომ ჯობდა ევროკავშირს ეთქვა, რომ არ აქვს პრობლემა გამჭვირვალობის და ის უზრუნველყოფს, რომ მისი დაფინანსება იქნება გამჭვირვალე.
რა აქვს დასამალი ევროკავშირს? რატომ მალავენ? რატომ არის ასეთი დიდი სურვილი, რომ დამალონ თანხები? არადა დამალულია
ევროპის დემოკრატიის ფონდი, რომელიც ევროკავშირისგან ფინანსდება, ფარულად აფინანსებს პარტიებს, რადიკალურს, ახლა უკვე ექსტრემისტულ ჯგუფებს, აფინანსებს პოლარიზაციას, აფინანსებს ტერორს საქართველოში, მათ შორის, ევროპის დემოკრატიის ფონდი აფინანსებდა მოლოტოვის კოქტეილის რომანტიზების კამპანიას, რომელსაც ორგანიზაცია სირცხვილია ეწეოდა.
აი, ამან მოგვიტანა ის შედეგი, რომ ის ერთი მოლოტოვი, რომელიც შარშან გაისროლეს, დღეს იქცა, რა ვიცი, ხუთი თუ რამდენი იყო უკვე, რაც ვნახეთ, მოლოტოვის კოქტეილები.
აი, ამ ევროკავშირის მიერ დაფინანსებულმა მოლოტოვის კოქტეილის რომანტიზებამ მიიყვანა ეს მოძალადეები აქამდე და ჩვენი საზოგადოება აქამდე.
ამიტომ, რა თქმა უნდა, არის ფული ევროკავშირიდან, რომლითაც კეთილი საქმე საქართველოში არ კეთდება. “
