ხუთი მიზეზი “ჯორჯია პალასი, სასტუმრო და სპა ქობულეთში” დასასველებლად
სასტუმრო ჯორჯია პალასი
ვინც ერთხელ მაინც ყოფილა ქობულეთში, სასტუმროში “ჯორჯია პალასი, სასტუმრო და სპა ქობულეთი”, ის აუცილებლად გეტყვით, რომ ეს არის ერთ-ერთი საუკეთესო სასტუმრო არა თუ შავი ზღვისპირეთში, არამედ მთელ საქართველოში.
ბოლო ათწლეულებია აჭარის სანაპირო ძალიან სწრაფი ტემპებით ვითარდება – შენდება ახალი სასტუმროები, ინფრასტრუქტურა, თუმცა „ჯორჯია პალასს“, კონკურენციას ცოტა თუ უწევს. უამრავი სტუმარი წლიდან წლამდე, კვლავ აქ ბრუნდება. რატომ? ეს კითხვა ჩვენ უშუალოდ ამ სასტუმროს სტუმრებს დავუსვით, რომლებიც აქ სხვადასხვა დროს ისვენებდნენ. პასუხები კი ხუთ ძირითადად ჯგუფად დავაჯამეთ.
1. ლანდშაფტი და ინფრასტრუქტურა
“ჯორჯია პალასი, სასტუმრო და სპა ქობულეთი” სპილოსძვლისფერი, ელეგანტური შენობა, რომელიც 2008 წელს იტალიელ არქიტექტორს დაუპროექტებია, მდიდრული ბაღითაა გარშემორტყმული, რაც ამ ხუთვარსკვლავიან სასტუმროს უნიკალურს ხდის. ამ სასტუმროს სტუმრები პირველ რიგში სწორედ ლანდშაფტს, სასტუმროს მდებარეობას და მის ინფრასტრუქტურას აღნიშნავენ.
სასტუმროს ირგვლივ მესერი აქვს შემოვლებული – შემოდიხარ თუ არა ჭიშკარში, სხვა სამყარო იწყება: ხვდები ბამბუკების, პალმების, დიდრონი, საუკუნოვანი წიწვოვანების, ვერცხლის ნაძვების და მაგნოლიების ტყეში – სიმშვიდის ოაზისში, სადაც გარე სამყაროს ხმაური ვერ აღწევს. ეს მესერი თითქოს არა მხოლოდ სეზონის დროს ხმაურიან ქობულეთს, არამედ ყოველდღიური ცხოვრების სტრესსაც გაშორებთ.
ზაფხულის ყველაზე ცხელ დღესაც კი, სასტუმროს ეზოში გრილა. შუადღეს შეგიძლიათ რომელიმე ხის ჩრდილში მოკალათებულმა წიგნი იკითხოთ. ბაღში მზრუნველი მებაღეები ფუსფუსებენ და, სხვა შორის, თუ მცენარეების მოყვარულები ხართ, საინტერესო რჩევებსაც არ დაგზარდებიან (ზოგადად, ამ სასტუმროს პერსონალი ცალკე აღნიშვნის ღირსია – მეგობრული, გულწრფელად კეთილგანწყობილი და მუდამ მზადმყოფი დასახმარებლად).
ადამიანის ხელით შექმნილ ამ უნიკალურ ბაღთან ერთად, ამ სასტუმროს უპირატესობაა ბუნებრივი ლანდშაფტიც – ქობულეთში უნიკალურ მიკროკლიმატია, განსხვავებული მონოპროფილური კლიმატის მქონე, სამკურნალო თვისებებით გამორჩეულია სანაპირო. მეცნიერული კვლევების დონეზე შესწავლილია, რომ აქ ზღვა სტანდარტულზე უფრო ღრმაა, ზღვისა და მთის ჰაერის შერწყმა კი დადებით გავლენას ახდენს გულ-სისხლძარღვთა დაავადებების მქონე ადამიანებზე. ჯერ კიდევ კომუნისტების დროს, კარდიოლოგიური პრობლემების მქონე ადამიანები ქობულეთში ჩამოდიოდნენ დასასვენებლად.
აქაურობის ერთი-ერთი მთავარი უპირატესობა ასევე მოსახერხებლად დაგეგმილი სივრცეა – სასტუმროს ტერიტორია არც ისეთი დიდია, რომ ერთი ბოლოდან მეორეში გადაადგილებით დაიღალოთ, და არც ისეთი პატარა, რომ პრივატულობა დაიკარგოს.
განსაკუთრებით აღნიშვნის ღირსია ისიც, რომ სტუმრების ყველა ოთახს აქვს ფართო აივანი, სადაც მაგიდა და სკამები დგას. ეს დეტალი ასევე გამოარჩევს “ჯორჯია პალასი, სასტუმრო და სპა ქობულეთს” სხვა ზღვისპირა სასტუმროებისგან და სასტუმროს ნომერს უფრო „სახლურს“ და „შინაურულს“ ხდის.
ზღვა სასტუმროდან 50 მეტრშია, სასტუმროს სტუმრებისთვის სანაპირო ზოლი ასევე ცალკეა გამოყოფილი – კომფორტული, შეზლონგებით, პირსახოცებით და ქოლგებით უზრუნველყოფილი
2. ყველაფერი ერთ სივრცეში
“ჯორჯია პალასი, სასტუმრო და სპა ქობულეთის” სტუმრები, რომლებსაც ვესაუბრეთ, ყველა ერთხმად ამბობს, რომ ამ სასტუმროს ერთ-ერთი მთავარი უპირატესობა არის ის, რომ აქ ყველაფერი ერთ სივრცეშია თავმოყრილი და ფაქტობრივად სასტუმროს ტერიტორიიდან გასვლა არ გიწევს, რაც ასევე საქართველოს სასტუმროებისთვის იშვიათია.
აქ ყველა პირობა არსებობს იმისთვის, რომ არაფერზე იფიქრო და მოწყდე ყოველდღიურობას – არაჩვეულებრივი კვება, სამი აუზი (ორი ღია და ერთი დახურული), სპა და სპორტული დარბაზი, ბარები და რესტორნები ცოცხალი მუსიკით, სივრცე ბავშვების გასართობად, გრილი პარკი, კომფორტული სანაპირო ზოლი.
„წარმოიდგინეთ ადგილი, სადაც თითქოს დროსა და სივრცეში დაიკარგეთ და ერთადერთი რიტმი, რომელიც „შეგაწუხებთ“ ნაპირს მიხეთქებული ტალღების ხმა იქნება. აქ როცა ვისვენებ, ზოგჯერ მავიწყდება რომ საქართველოში ვარ,“- გვითხრა ერთ-ერთმა სტუმარმა.
3. სპა, აუზები და სპორტულ-გამაჯანსაღებელი ინფრასტრუქტურა
როგორც სტუმრები ამბობენ, “ჯორჯია პალასი, სასტუმრო და სპა ქობულეთის“ ძლიერი მხარეა ასევე გამაჯანსაღებელი ნაწილი, ამიტომ აქაურობა ძალიან უყვართ აქტიური დასვენების მიმდევრებსაც.
სასტუმროში სამი აუზია. ორი აუზი ღიაა, ერთი – დახურული. ღია აუზებიდან ერთ-ერთში წყალი მარილიანია – სპეციალურად ხმელთაშუა ზღვის სამკურნალო ელემენტებით გაჟღენთილი მარილი, რომელიც კანს საკმაოდ დიდხანს ეხმარება რუჯის შენარჩუნებაში.
სპა ცენტრში არაერთი სამედიცინო თუ სარელაქსაციო პროცედურაა, რომელიც თავს ბევრად უფრო ახალგაზრდად და მხნედ გაგრძნობინებთ.
მათ შორისაა სილამაზის სალონი, კოსმეტოლოგია, ენდერმოლოგია, კოლონოთერაპია, ინფრა წითელი საუნა, კლასიკური მასაჟები. 2010 წლიდან აქ ინდური „კერალა აიურვედა“ ცენტრიც ფუნქციონირებს. ეს ერთადერთი ცენტრია საქართველოში. აიურვედას ჯანმრთელობის პროგრამები მთელ მსოფლიოში ცნობილია და რეკომენდებულია ისეთ დაავადებებთან საბრძოლველად როგორიცაა ფსორიაზი, დისკოზი, ართრიტი, კისრის მალების დაავადებები, შაკიკი, უძილობა და ა.შ.
სასტუმროში, რომელიც 41 760 კვადრატულ მეტრ ფართობზეა გადაჭიმული ბევრი გასართობი და სპორტული აქტივობის ადგილია. აუზების გარდა, აქ არის ჩოგბურთისა და კალათბურთის მოედნები, მინი გოლფის მოედანი, საბავშვო მოედანი, ველოსიპედები, მაგიდის ტენისი, სავარჯიშო დარბაზი და საუნა. განსაკუთრებით შეიძლება აღინიშნოს იოგა, რომელსაც აქ ინდოელი სპეციალისტი ატარებს ყოველ დილას – ტრადიციული ხერხებითა და სპეციფიკით.
წარმოიდგინეთ დილა, რომელიც შავი ზღვის სანაპიროზე ამომავალი მზის პირისპირ ჩატარებული იოგით იწყება. კარგია, არა?
4. კვება
კვება, რომელიც ამ სასტუმროშია, ცალკე სტატიას იმსახურებს და ყველა სტუმრის მიერ დასახელებულია, როგორც საუკეთესო.
აქაური მზარეულების მიერ მომზადებული უგემრიელესი, უხვი და ჯანსაღი საუზმეები, სადილები და ვახშმები გემოების სამყაროში დაუვიწყარი მოგზაურობაა.
აქ არის როგორც ქართული, ისე საერთაშორისო სამზარეულოს კერძები. რაც მთავარია, პროფესიონალი შეფ-მზარეულები ამზადებენ კერძებს ნატურალური, ბიო პროდუქტებისგან.
სასტუმროში დიდი ყურადღება ექცევა ჯანსაღ კვებას და ჯანსაღ მენიუს, განსაკუთრებით იმ სტუმრებისთვის რომლებიც თერაპიული და გამაჯანსაღებელი თვალსაზრისით სტუმრობენ “ჯორჯია პალასი, სასტუმრო და სპა ქობულეთს”.
კარგი ამბავი გვაქვს მათთვისაც, ვინც გადაწყვიტა თავი არ შეიზღუდოს – ამ სასტუმროს კულინარი ნამდვილი ჯადოქარია, რომელიც არაჩვეულებრივი დესერტებით ანებივრებს სტუმრებს.
5. საბავშვო ზონა
და ბოლოს. მართალია, ეს პუნქტი ჩვენს რეიტინგში ბოლო ნომრად მოხვდა, თუმცა ბავშვიანი ოჯახებისთვის ნომერ პირველი უპირატესობაა, რომლითაც “ჯორჯია პალასი, სასტუმრო და სპა ქობულეთი” გამოირჩევა.
თუ რომელიმე სასტუმროს საქართველოში შეიძლება უწოდო child friendly, ეს პირველ რიგში „ჯორჯია პალასია“, რადგან ამ სასტუმროში მცირედ დეტალებამდეა გათვლილი ყველაფერი ბავშვების სიამოვნებისა და უსაფრთხოებისთვის.
დავიწყოთ უსაფრთხოებით – სასტუმროს ტერიტორია მესრითაა შემოღობილი და გასასვლელებთან მუდმივად მორიგეობენ დაცვის თანამშრომლები ამიტომ, ბაღში თამაში და გართობა ბავშვებისთვის სრულიად უსაფრთხოა. თანამშრომელთა მხრიდან უყურადღებოდ არ არის დატოვებული არც ბაღის და არც სანაპიროს ნაწილი. სასტუმროში ჰყავთ მაშველებიც, რომლებიც აუზების მიმდებარე ტერიტორიასთან მორიგეობენ.
ბავშვებისთვის გასართობად აქ არის მოწყობილი რამდენიმე სივრცე – ცალკე აუზი ყველაზე პატარებისთვის, ასევე საბავშვო მოედანი სასრიალოებით და გასართობი ზონა, სადაც სეზონის დროს, თითქმის მთელი დღის განმავლობაში ბავშვებთან მუშაობენ მხიარული ანიმატორები – ხატავენ, ძერწავენ, თამაშობენ ინტერაქტიურ თამაშებს, მღერიან კარაოკეს და ა.შ. იქვეა დიდი ჭადრაკის დაფაც, სადაც პატარებს შეუძლიათ ჭადრაკის თამაში ისწავლონ. ეს სივრცე გადახურულია, ამიტომ ბავშვები წვიმიან ამინდშიც არ არიან უსაქმოდ. საღამოს სპეციალურ ოთახში მულტფილმების ყურებაც არის შესაძლებელი.
მშობლები მშვიდად ტოვებენ ბავშვებს ამ სივრცეში, ვიდრე თვითონ მზეზე ირუჯებიან ან სპა-სალონში მასაჟის პროცედურაზე არიან.
ამ ყველაფრის შედეგად, შავი ზღვის სანაპიროზე მდებარე ეს სასტუმრო ჰარმონიული შერწყმაა რელაქსაციის, ფუფუნების და კომფორტის. ამ სასტუმროს უნიკალური აუზები, სპა, არაჩვეულებრივი ბაღი, უგემრიელესი სამზარეულო და წვრილმან დეტალებამდე გათვლილი საბავშვო სივრცე იდილიური დასვენების წინაპირობაა და ყველაზე პრეტენზიული სტუმრის გემოვნებასაც დააკმაყოფილებს.
სასტუმრო ჯორჯია პალასი
