საქართველოში კორონავირუსით მე-13 პაციენტი გარდაიცვალა

გარდაცვლილია 75 წლის მამაკაცი. ის ბოლნისის მუნიციპალიტეტის სოფელ მუშევანიდან იყო. 

2 ივნისის მონაცემებით, საქართველოში კორონავირუსით ინფიცირების 796 შემთხვევაა დადასტურებული. კარანტინის რეჟიმშია 2508 ადამიანი, ხოლო სტაციონარში მეთვალყურეობის ქვეშ – 300 პირი. კორონავირუსით ინფიცირებულთაგან 634 გამოჯანმრთელდა და 13  გარდაიცვალა.

მას რესპუბლიკურ საავადმყოფოში მკურნალობდნენ. 

ექიმების თქმით, გარდაცვლილს თანმხლებ ქრონიკულ დაავადებებთან ერთად ინსულტიც ჰქონდა გადატანილი.

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. კორონავირუსის პანდემიის შესაჩერებლად 21 მარტიდან 23 მაისამდე საქართველოში საგანგებო მდგომარეობა იყო გამოცხადებული.

კორონავირუსის პანდემიის გამო დაწესებული შეზღუდვების მოხსნის პირველი ეტაპი საქართველოში 27 აპრილიდან ამოქმედდა.15 ივნისიდან საქართველო შიდა ტურიზმის განახლებას გეგმავს, 1 ივლისიდან კი საზღვრების გახსნას და უცხოელი ტურისტების მიღებას.