საქართველო: სამების ტაძარს დავალიანების გამო გაზი გაუთიშეს

სამების საკათედრო ტაძარს ბუნებრივი აირის მიწოდება შეუწყვიტეს. მღვდელმსახურ იოანე მჭედლიშვილის განმარტებით, დავალიანება, რომელიც 3 წლის განმავლობაში გროვდებოდა, 250 000 ლარია. 

მისივე თქმით, მონასტერს არასოდეს ჰქონდა იმდენი თანხა, რომ მოხმარებული გაზის გადასახადი გადაეხადა და  გაზის მიმწოდებელი კომპანია მათ შეღავათს უწევდა:

“რამდენიმე დღეა აღარ გვაქვს გაზი. დავალიანება გვქონდა და ჩაჭრეს. დაახლოებით სამი წლის განმავლობაში გროვდება ეს თანხა. ჩვენ კომპანიის მიმართ მადლობის მეტი არაფერი გვეთქმის, რადგან ძალიან ბევრჯერ გაგვითვალისწინეს და გაზი არ შეგვიწყვიტეს. მონასტერს არასდროს არ ჰქონდა ეს თანხა რომ გადაეხადა. რა ქნას იმ კომპანიამაც, ყოველთვის გვერდში გვედგა და რაღაც მომენტში გადაწყვიტეს ასე”, – განაცხადა მამა იოანე მჭდელიშვილმა ტვ პირველთან საუბარში.

მართლმადიდებელი ეკლესიის საპატრიარქო ერთ-ერთი ყველაზე გავლენიანი ინსტიტუტია საქართველოში.

ის ერთ-ერთი ყველაზე მდიდარი რელიგიურ გაერთიანებაა საქართველოში.

• საპატრიარქოს კაპიტალი. რა ქონებას ფლობს ყველაზე გავლენიანი ინსტიტუტი საქართველოში?
• საქართველოში ყველა ეკლესია და მონასტერი 20 ჰექტარ ტყეს მიიღებს

● საქართველოს მართლმადიდებელი ეკლესიის კაპიტალი საბჭოთა კავშირის დაშლის მომენტიდან დღემდე შეუჩერებლად იზრდება.

● საპატრიარქო ფლობს და განაგებს 62,7 კვადრატულ კილომეტრზე მეტ მიწას, რაც თითქმის ქალაქ ბათუმის ფართობს უტოლდება.

● მიწების 96 პროცენტი საპატრიარქომ სახელმწიფოსა და კერძო პირებისგან საკუთრებაში და დროებით სამართავად უსასყიდლოდ მიიღო.

● 2002 წლიდან დღემდე საპატრიარქოსთვის ცენტრალური და ადგილობრივი ბიუჯეტებიდან გადარიცხულია 325 მილიონ ლარზე მეტი.

● ქართული ეკლესიის სათავეშია სინოდის 47 წევრი, რომელთაგან 41 ჩართულია საპატრიარქოს ბიზნეს საქმიანობაში. სინოდის წევრთა უმრავლესობა სოლიდური ქონების მფლობელია.

● საპატრიარქოს რამდენიმე ათეული ბიზნეს-კომპანია და 100-ზე მეტი არასამთავრობო ორგანიზაცია აქვს.

● საპატრიარქოს ბიზნეს და არასამთავრობო საქმიანობის მთავარი მიმართულებაა განათლების სფერო. თუმცა, ნავთობის იმპორტიორი და ალკოჰოლის მწარმოებელი კომპანიებიც აქვთ.