სახელმწიფო “თელასში” საკუთარ წილს ყიდის

სახელმწიფოს საკუთრებაში არსებული საინვესტიციო ფონდი – “საპარტნიორო ფონდი” ელექტროგამანაწილებელი კომპანია „თელასის“ 24,5%-იან წილს ყიდის. კომპანია “თელასი” დენით თბილისს ამარაგებს. 

საპარტნიორო ფონდმა „თელასის“ კუთვნილი აქციების წილის გასასხვისებლად საჯარო აუქციონი უკვე გამოაცხადა. 

აქციის საწყისი ფასი 10 511 211.08 აშშ დოლარია, ბიჯის ოდენობა კი  50  000 ლარი. 

საჯარო აუქციონი 9 სექტემბერს ჩატარდება.

ელექტროგამანაწილებელი კომპანია თელასის აქციების 75,5%-ს  ფლობს სააქციო საზოგადოება RAO Nordic Oy, რომლის ერთადერთი აქციონერი რუსული “ინტერ რაოა”.