რუსული კომპანია აფხაზეთისგან იმედგაცრუებისთვის 2 მილიონ დოლარს ითხოვს
სოხუმის აეროპორტის დავალიანება
აფხაზეთს 2 მილიონ დოლარზე მეტი ვალი აქვს რუსული კომპანიის მიმართ, რომელმაც სოხუმის აეროპორტის რეკონსტრუქციის პროექტისა და ხარჯთაღრიცხვის დოკუმენტების შექმნა. აფხაზეთის ხელისუფლება ვალის დაფარვას არ აპირებს და აცხადებს, რომ ეს სამუშაო იმ სხვა რუსულმა კომპანიამ უნდა შეასრულოს, რომელიც აეროპორტს აღადგენს.
სოხუმის აეროპორტი 1993 წელს ქართულ-აფხაზური ომის ფონზე დაიხურა და მას შემდეგ უმოქმედოა. ამჟამად აეროპორტის აღდგენა მიმდინარეობს. აღდგენით სამუშაოებს რუსი ინვესტორი ჰყავს. საზოგადოების და ოპოზიციის მნიშვნელოვანი ნაწილი ამ პროექტს აფხაზეთისთვის წამგებიანად მიიჩნევს.
გაცრუებული იმედები
2022 წლის აპრილში რუსულმა სააქციო საზოგადოებამ “აერო მენეჯმენტმა” აფხაზეთის ეკონომიკის სამინისტროსთან გააფორმა განზრახვების შესახებ შეთანხმება, რომლის ფარგლებში 120 მილიონი რუბლი [დაახლოებით 1 მილიონ 300 ათასი დოლარი] სესხის სახით გადასცა აეროპორტის აღდგენის პროექტისა და ხარჯთაღრიცხვის დოკუმენტაციის დასაფინანსებლად. ამავე დროს, კომპანია იმედოვნებდა, რომ რეკონსტრუქციის მთავარი ინვესტორი გახდებოდა.
თუმცა, როდესაც ხარჯთაღრიცხვა მზად იყო და თანხა დაიხარჯა, აფხაზეთის ხელისუფლებამ სხვა ინვესტორთან – შპს „ინფრასტრუქტურ დეველოპმენტთან“ გააფორმა ხელშეკრულება, რომელიც კრემლის მაღალჩინოსნის შვილს, რაშიდ ნურგალიევს ეკუთვნის.
ახლა იმედგაცრუებული „აერო მენეჯმენტი“ აფხაზეთის ეკონომიკის სამინისტროსგან სესხის დაბრუნებას, ასევე დარიცხულ პროცენტებს, სააგენტოს მოსაკრებლებს და ჯარიმებს ითხოვს. ეს ყველაფერი ერთად 2 მილიონ დოლარზე მეტია.
აფხაზეთის მთავრობა აღიარებს ვალის არსებობას, მაგრამ აცხადებს, რომ ის უნდა გადაიხადოს “ინვესტორმა, რომელმაც კონკურსი გაიარა”, ანუ „ინფრასტრუქტურის განვითარებამ“. ხელისუფლება მიუთითებს 2023 წლის ოქტომბერში გაფორმებულ შეთანხმებაზე, რომლის თანახმად, “ინფრასტრუქტურის განვითარება” იღებს ვალდებულებას აანაზღაუროს “აერო მენეჯმენტის” მიერ გაწეული ხარჯები.
თუმცა, ზუსტად არ არის ცნობილი, როდის შეასრულებს თავის ვალდებულებას ახალი კონტრაქტორი და შეასრულებს, თუ – არა, საერთოდ. მთავრობის განცხადებაში აღნიშნულია, რომ „განიხილება კომპენსაციის დრო და პროცედურა“.
- სოხუმის აეროპორტს რუსი ჩინოვნიკის შვილი აღადგენს
- “აფხაზეთს რუსეთის ვალი 110 მილიონი დოლარი ექნება და აეროპორტს დაკარგავს” – მოსაზრებები ახალ შეთანხმებაზე
აფხაზური ოპოზიციის ერთ-ერთი ლიდერის, ადგურ არძინბას განცხადებით, შექმნილ ვითარებაში უშუალოდ პრეზიდენტი ასლან ბჟანია არის დამნაშავე, რომელიც „საკუთარი ქონებით იქნება პასუხისმგებელი ქვეყნის წინაშე დარჩენილ ვალებზე“.
არძინბა ყურადღებას ამახვილებს იმაზეც, რომ სოხუმის აეროპორტის რეკონსტრუქცია აშკარად ჩამორჩება გრაფიკს.
„ინვესტორის წარმომადგენელმა პირველი ტექნიკური რეისი სოხუმის აეროპორტიდან მიმდინარე წლის 20 ივლისს გამოაცხადა, მაგრამ ის არ შესრულებულა.
ამასთან, ხელისუფლება ირწმუნება, რომ სამუშაოები დროულად დასრულდება და სოხუმიდან საჰაერო მიმოსვლა 2024 წლის დეკემბრის ბოლოს აღდგება. ვინაიდან სოხუმის აეროპორტს არ აქვს საერთაშორისო ლიცენზია, საჰაერო მიმოსვლა მხოლოდ რუსეთთან განხორციელდება. აფხაზეთის ხელისუფლებას მიაჩნია, რომ ეს გაზრდის რუსი ტურისტების ნაკადს და დადებითად აისახება რესპუბლიკის ბიუჯეტზე.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
